پارلامەنت ءماجىلىسى تاراتىلسا، دەپۋتاتتارعا ءۇش ايعا دەيىن 500 مىڭ تەڭگە جاردەماقى تولەنەدى، - دەپ حابارلايدى «قامشى» پورتالى.
«ق ر پارلامەنتى تۋرالى» كونستيتۋسيالىق زاڭعا سايكەس، وكىلەتتىلىك مەرزىمى اياقتالعان، پارلامەنت نەمەسە پارلامەنت ءماجىلىسى وتستاۆكاعا كەتكەن نەمەسە تارقاتىلعان جاعدايدا، دەپۋتاتتار جاڭا جۇمىسقا ورنالاسقانشا نەمەسە زەينەتكە شىققانشا ورتاشا جالاقىسى كولەمىندە مەملەكەتتەن جاردەماقى الادى. ءبىراق، بۇل جاردەماقى ءۇش ايدان ارتىق تولەنبەيدى. بۇگىندە ءماجىلىس دەپۋتاتتارىنىڭ ورتاشا ەڭبەكاقىسى 500 مىڭ تەڭگەنى قۇرايدى.
