جامبىل وبلىسىنداعى اقكول اۋىلىنا كىرەبەرىستە جول بويىندا ءولى ءسابي تابىلدى، - دەپ حابارلايدى Tengrinews.kz ءتىلشىسى جامبىل وبلىستىق ءىىد باسپا ءسوز قىزمەتىنىڭ وكىلدەرىنە سىلتەمە جاساپ.

ءسابيدىڭ جانسىز دەنەسى 13 قاڭتاردا بوستاندىق-اقكول تاسجولىنىڭ جيەگىندە تابىلعان. تەرگەۋ شارالارى كەزىندە ءسابيدىڭ شەشەسىنىڭ كىم ەكەندىگى انىقتالدى. "كامەلەتكە تولماعان اناسى قازىرگى ۋاقىتتا اۋرۋحانادا جاتىر، ال ونىڭ شەشەسى ۇستالدى. تەرگەۋ ءجۇرىپ جاتىر"، - دەپ حابارلادى باسپا ءسوز قىزمەتىندەگىلەر.

وقيعانىڭ ءمان-جايىن پوليسەيلەر ناقتىلاماي وتىر. راستالماعان دەرەكتەر بويىنشا، ءسابيدىڭ اناسى 1999 جىلعى. ول كولىكتە بوسانعان دەلىنەدى.

ەسكە سالايىق، قاڭتار ايىنىڭ باسىندا جامبىل وبلىسى اباي اۋىلىنىڭ ماڭىنداعى اۆتوموبيل تاسجولىنداعى قوعامدىق دارەتحانالاردىڭ بىرىنەن ءتىرى ءسابي تابىلعان بولاتىن.