بۇگىن قازاقستان قور بيرجاسىنىڭ كۇندىزگى سەسسياسىندا دوللار باعامى 363،71 تەڭگەگە تەڭ بولدى، - دەپ حابارلايدى "قامشى" پورتالى.
بۇگىن كۇندىزگى سەسسيادا ەڭ تومەنگى ساۋدا 362،5 تەڭگەمەن، ال ەڭ جوعارىسى 364،6 تەڭگەمەن جاسالدى. ساۋداعا ۆاليۋتا نارىعىنىڭ 18 مۇشەسى قاتىستى. Kurs پورتالىنىڭ مالىمەتىنشە، اقشا ايىرباستاۋ ورىندارى دوللاردى 362،7-365 تەڭگە ارالىعىندا ساۋدالاپ جاتىر.
ايتا كەتەيىك، دوللار باعامى 11 قاڭتاردا Brent مۇناي ماركاسى 2004 جىلدىڭ ساۋىرىنەن بەرى پسيحولوگيالىق مەجە سانالاتىن 32 دوللارعا تومەندەگەننەن كەيىن شارىقتاي باستاعان ەدى. 13 قاڭتاردا باعامنىڭ تومەندەي باستاعانى بايقالدى، دەگەنمەن بۇگىن تاڭەرتەڭ دوللار 3 تەڭگەگە قايتا قىمباتتاعان بولاتىن.
