«اتامەكەن» تۇلتتىق كاسىپكەرلەر پالاتاسى مەملەكەت باسشىسىنان بيزنەستى دامىتۋ ءۇشىن ءبىرىڭعاي زەينەتاقى جيناقتاۋشى قورىنان قاراجات ءبولۋدى سۇراماقشى. بۇل تۋرالى «قامشى» پورتالى LS- كە سىلتەمە جاساپ حابارلايدى.

پالاتانىڭ باسقارما ءتوراعاسى ابىلاي مىرزاحمەتوۆ بيزنەستى بزجق-دان قارجىلاندىرۋعا قازىرگى تاڭدا ەشقانداي تىيىم جوق ەكەنىن ايتادى.

«ءبىز وسىنداي سۇرانىس جاسايتىن بولامىز. مەملەكەت باسشىسى مۇنداي قادامدارعا اۋەس بولماۋ كەرەكتىگىن ايتقان بولاتىن. ءبىراق، بۇل مۇلدەم اقشا بەرمەۋ كەرەك دەگەندى بىلدىرمەيدى. ونداي تىيىم جوق. ءبىز بزجق-نى باسقارۋ جونىندەگى كەڭەستى سەندىرە الامىز، قوردان بەلگىلى ءبىر سوماداعى قاراجات بولىنەدى دەپ ويلايمىز. سەبەبى، بىزگە بانك سەكتورىن قولداۋ كەرەك»، - دەيدى ول.

ونىڭ ويىنشا، بۇگىندە بيزنەس اينالىمداعى قاراجاتقا ءزارۋ. قىمبات قۇرىلعىلار ساتىپ الۋ ءۇشىن ولارعا پالاتا ءتيىستى قۇرالدار مەن سۋبسيديا ءبولۋى كەرەك ەكەن.

سونداي-اق، پالاتا باسشىلىعى قاڭتار-اقپان ايلارىندا وبلىس اكىمدەرىمەن، كاسىپكەرلەرمەن كەزدەسىپ، وتاندىق بيزنەستى دامىتۋ ماسەلەلەرىن پىسىقتاۋدى جوسپارلاپ وتىرعان كورىنەدى.