ۇلتتىق ۇلان «وڭتۇستىك» وڭىرلىك قولباسشىلىعىندا تاۋەلسىزدىگىمىزدىڭ 25 جىلدىعىنا وراي قاراۋىل باستىقتارى مەن جاۋىنگەرلىك دايارلىقتا ۇزدىك كورسەتكىشتەرگە قول جەتكىزگەن اسكەري قىزمەتكەرلەردى ۇلىقتاۋعا ارنالعان سالتاناتتى كەش ءوتتى، - دەپ حابارلايدى «قامشى» پورتالى اتالعان قۇرىلىمنىڭ باسپا ءسوز قىزمەتىنە سىلتەمە جاساپ.
ءىس-شارا بارىسىندا ۇلتتىق ۇلان «وڭتۇستىك» وڭىرلىك قولباسشىلىعىنىڭ قولباسشىسى الىبەك سەرالييەۆ جانە «وڭتۇستىك» وڭىرلىك قولباسشىلىعى ارداگەرلەر كەڭەسىنىڭ ءتوراعاسى وتستاۆكاداعى پولكوۆنيك گەنناديي فالەيەۆ قايسار دا وجەت ىس-ارەكەتتەرىمەن قىزمەت بابىندا كوزگە ءتۇسىپ ەرەكشەلەنگەن اسكەري قىزمەتشىلەردى «قوعامدىق ءتارتىپتى ساقتاعانى ءۇشىن» جانە «باۋىرجان مومىش ۇلى - باتىر شاپاعاتى» كەۋدە بەلگىلەرىمەن ماراپاتتادى.
اتاپ وتەرلىگى، بۇگىنگى كەشتە ىلە اۋدانى جەتىگەن كەنتىندە جوعالىپ كەتكەن 20 جاستاعى ايزادا اۆلاتاروۆانى تابۋعا ۇلكەن سەپتىگىن تيگىزگەن 5571 اسكەري ءبولىمىنىڭ وفيسەرى، اسكەري جاساق باستىعى رۋستام سەردالينوۆقا قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆتىڭ بۇيرىعىمەن بەرىلگەن كەزەكتەن تىس «اعا لەيتەنانت» اسكەري شەنىن «وڭتۇستىك» وڭىرلىك قولباسشىلىعىنىڭ قولباسشىسى الىبەك سەرالييەۆ سالتاناتتى تۇردە تابىس ەتتى.
- مەن ءۇشىن باستى ماقسات – وتانىما قالتقىسىز ادال قىزمەت ەتۋ، ءوزىم وسى ۇلتتىق ۇلان قاتارىندا سارباز، ودان كەلىسىمشارت بويىنشا اسكەري قىزمەتشى بولا ءجۇرىپ، وفيسەرلىك لاۋازىمعا دەيىن كوتەرىلدىم، بۇل ماعان كومانديرلەر مەن باستىقتاردىڭ ۇلكەن سەنىم ارتۋى دەپ بىلەمىن. بۇگىن «وڭتۇستىك» وڭىرلىك قولباسشىلىعى قولباسشىسىنىڭ قولىنان كەزەكتەن تىس «اعا لەيتەنانت» اسكەري شەنىن الدىم، بۇل مەن ءۇشىن ۇلكەن مارتەبە، بۇدان كەيىن دە قىزمەتتىك-جاۋىنگەرلىك مىندەتتەرىمدى ابىرويمەن اتقارۋعا، ەل سەنىمىن اقتاۋعا ءسوز بەرەمىن – دەپ، رۋستام اعىنان جارىلدى.
كەش سوڭىندا ۇزدىك اسكەري قىزمەتشىلەرگە ارنايى كونسەرتتىك باعدارلاما ۇيىمداستىرىلىپ، ءىس-شارا اۋەلەگەن ءان مەن اسەم بيگە ۇلاستى.
