6 اقپاندا م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ 90-ماۋسىمىنىڭ العاشقى جاڭا سپەكتاكلىنىڭ تۇساۋى كەسىلمەك، - دەپ حابارلايدى «قامشى» پورتالى تەاتردىڭ باسپا ءسوز قىزمەتىنە سىلتەمە جاساپ.

ا.ءۆولوديننىڭ «قوشتاسقىم كەلمەيدى…» دراماسىن اۋدارعان جانە ساحنالايتىن قويۋشى-رەجيسسەر – ق ر ەڭبەك سىڭىرگەن قايراتكەرى اسحات ماەميروۆ.

«تەرەڭ پسيحولوگيزممەن ەرەكشەلەنەتىن كورنەكتى ورىس دراماتۋرگى ا.ۆولودين پەساسى بويىنشا قويىلىمعا  اجىراسۋعا بەل بۋعان سەگىز وتباسىنىڭ ءارقيلى تاعدىرى  ارقاۋ بولادى. جاسى، الەۋمەتتىك مارتەبەسى، دۇنيەتانىمى جاعىنان ءارتۇرلى بىرنەشە شاڭىراق يەلەرى سان ءتۇرلى ءومىر دراماسىنا ۇشىراپ، كۇمان-كۇدىككە، تاكاپپارلىققا بوي الدىرادى – باقىتتى كەزدەسۋلەر بايانسىز قوشتاسۋلارعا ۇلاسقالى تۇر. نەكەلەرىن بۇزۋعا سوتقا كەلگەن ولاردى تاتۋلاستىرماققا سۋديا بارىن سالادى. الايدا ءوزىمشىل ەرلى-زايىپتىلار  ءبىرىن-بىرى تىڭداۋدان، تۇسىنۋدەن قالعان»، - دەلىنگەن حابارلامادا.

شارتتىلىق بەلەڭ الاتىن قويىلىمدا ءار كەيىپكەر ءارتۇرلى تانىم، جەكە دۇنيەتانىمىن العا تارتادى. ءاربىر كەيىپكەر، ياعني ءاربىر ادام – جەكە الەم، تەك سول الەمگە ءۇڭىلۋ، ونى تۇسىنە، قاجەت بولسا كەشىرە ءبىلۋ – ۇلكەن قاسيەت.  نەگىزىنەن تەاتردىڭ جاس بۋىنى قاتىساتىن سپەكتاكل ءومىردىڭ وسى ءبىر قاراپايىم دا كۇردەلى ءپالساپاسى تۋرالى ويلارعا جەتەلەيدى.