ماسكەۋدە ورتالىق ازيادان بارعان 12 ميگرانت تىگىن فابريكاسىندا بولعان ورتتە تىرىدەي جانىپ كەتتى، - دەپ حابارلايدى «قامشى» پورتالى PHOENIX news-كە سىلتەمە جاساپ.
قايعىلى وقيعا وتكەن سەنبىدەن جەكسەنبىگە قاراعان ءتۇنى، ماسكەۋ ۋاقىتىمەن تۇنگى وندار شاماسىندا بولعان. رەسەي استاناسىنىڭ سترومىنكا اۋدانىنداعى فابريكادا بولعان ءورت كەزىندە قىرعىزستان مەن وزبەكستاننان بارعان 12 ادام تىرىدەي جانىپ كەتكەن. قازا تاپقانداردىڭ ىشىندە 3 جاس بالا بار دەيدى باسىلىم.
باسىلىمنىڭ حابارلاۋىنشا، قازا تاپقاندار زاڭسىز جولمەن ەلدە جۇمىس ىستەپ جۇرگەن ميگرانتتار وتباسى كورىنەدى. قايعىلى وقيعا تۋرالى حابار ر. قادىروۆتىڭ ينستاگرامداعى سۋرەتتەرىن تالقىلاعان رەسەيلىك ەشبىر رەسمي اقپارات قۇرالدارىندا دەر كەزىندە كورىنىس تاپپاعان. وقيعا تۋرالى ۆيدەونى بىرنەشە كۇن وتكەن سوڭ ەڭ العاش بولىپ ورتالىق ازيالىق تەليەۆيزيا (CATV) سايتى جاريالاپ وتىر.
