بۇل تۋرالى ماڭعىستاۋ وبلىسىنىڭ اكىمى اليك ايداربايەۆ ا ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ بريفينگى بارىسىندا بايان ەتتى. ونىڭ ايتۋىنشا، ماڭعىستاۋ وبلىسىنىڭ اكىمدىگى وڭىرگە ءتان دامۋ باعىتتارىن، ياعني، مۇناي-گاز ءوندىرۋدى، مۇنايسەرۆيستى، كولىك جانە لوگيستيكانى، قۇرىلىس جانە ءتۋريزمدى نارىق تالاپتارىنا سايكەس باقىلاپ وتىرادى، - دەپ حابارلايدى «قامشى» پورتالى.

 «قازىرگى تاڭدا، مۇناي-گاز ءوندىرۋشى جانە مۇناي سەرۆيستىك كاسىپورىندار ەڭبەك ونىمدىلىگى مەن ءوندىرىس تيىمدىلىگىن ارتتىرۋعا باعىت العان. نەگىزگى كاپيتالعا سالاتىن ينۆەستيسيا كولەمى 454 ملرد. تەڭگەنى قۇرادى. كاسىپورىندار شتاتتىق تارتىپكە سايكەس جۇمىس جاسايدى. وتكەن جىلى ءوندىرىس ۇدەرىسى تۇراقتىلىعىن ساقتاۋ ماسەلەلەرى بويىنشا ىنتىماقتاستىق تۋرالى جاسالعان 620 مەموراندۋمنىڭ ناتيجەسىندە، ەكونوميكانىڭ ءار ءتۇرلى سەكتورىندا جۇمىس جاسايتىن 105 مىڭ قىزمەتشىنىڭ مۇددەلەرى قورعالدى. 2016 جىلدىڭ العاشقى ايىنىڭ وزىندە وڭىردەگى ءىرى مۇنايگازوندىرۋشى كاسىپورىندارمەن ءۇشجاقتى 16 مەموراندۋم جاسالدى. بۇل باعىتتاعى جۇمىستار جالعاسىن تابادى»، - دەيدى ماڭعىستاۋ وبلىسىنىڭ اكىمى اليك ايداربايەۆ.

2015 جىلدىڭ قورىتىندىسى بويىنشا ەڭبەك نارىعىنداعى كورسەتكىشتەر جاقساردى. مىسالى، ماڭعىستاۋ وبلىسىنداعى ەكونوميكالىق بەلسەندى حالىقتىڭ سانى 7%-عا ارتىپ، 283،4 مىڭ ادامنان 302،4 مىڭ ادامعا دەيىن ءوستى. ەكونوميكا سالاسىندا قىزمەت ەتۋشىلەر سانى 286،9 مىڭ ادامدى قۇرادى. وبلىستاعى ءوزىن-وزى جۇمىسپەن قامتۋشىلار سانى 19،7 مىڭنان 15،2 مىڭ ادامعا دەيىن ازايىپ، جۇمىسپەن قامتىلعانداردىڭ جالپى سانىنداعى ولاردىڭ ۇلەسى 5%-دى عانا قۇرادى. بۇل ەلىمىزدىڭ ايماقتارى اراسىنداعى ەڭ تومەنگى كورسەتكىش.

- «جۇمىسپەن قامتۋ جول كارتاسى – 2020»، مەملەكەتتىك جانە سالالىق باعدارلامالاردىڭ، وڭىرلەردى دامىتۋ باعدارلامالارىنىڭ تيىمدىلىگىن، اشىق نارىقتاعى جۇمىسسىزدار سانىنىڭ 5،3%-دان 5،1%-عا، سونىمەن قاتار جاستار اراسىنداعى جۇمىسسىزدار سانىنىڭ 7،4%-دان 4،7%-عا تومەندەۋىنەن كورۋگە بولادى. وسىلايشا،2015 جىلى 27 مىڭنان جوعارى ادام  جۇمىسقا ورنالاستى، - دەپ اتاپ ءوتتى اليك ايداربايەۆ.

ماڭعىستاۋ وبلىسىنداعى ەكونوميكانىڭ دامۋ قارقىنىن ساقتاۋعا، قۇنى 159 ملرد. تەڭگەنى قۇرايتىن «نۇرلى جول» مەملەكەتتىك باعدارلاماسى اياسىندا ىسكە اسىرىلعان 14 جوبا ىقپال ەتتى. ايتا كەتەيىك، مەملەكەتتىك باعدارلاما اياسىندا جاڭادان 4 مىڭ جۇمىس ورىندارى اشىلادى. 2015 جىلى يندۋستريالاندىرۋ كارتاسى اياسىندا جالپى قۇنى 50،5 ملرد.تەڭگەنى قۇرايتىن 11 يندۋستريالدى جانە ينفراقۇرىلىمدى جوبا، سونىڭ ىشىندە، «ازەرسۋن» وندىرىستىك-لوگيستيكالىق ورتالىعى، «سوفي مەدگرۋپپ» كوپسالالى مەديسينالىق كلينيكاسى جانە اقتاۋ تەڭىز سولتۇستىك تەرمينالى ىسكە قوسىلدى.