قىزىلوردا وبلىسىندا كيىكتىڭ جاپپاي قىرىلۋ وقيعاسى تىركەلدى، - دەپ حابارلايدى «قامشى» پورتالى «كازاحستانسكايا پراۆدا» گازەتىنە سىلتەمە جاساپ.

بۇل جولى كيەلى جانۋاردىڭ قىرىلۋى لاستانعان تابيعاتتىڭ، ۋلى اۋا مەن ءشوپتىڭ دە كىناسىنەن ەمەس، ادامداردىڭ جاۋىزدىعىنان بولىپ وتىر. وبلىستىق ىشكى ىستەر دەپارتامەنتى تابيعاتتى قورعاۋ پوليسياسىنىڭ قىزمەتكەرلەرى زاڭسىز كيىك اۋلادى دەگەن كۇدىكپەن ءۇش ازاماتتى تۇتقىنداعان.

«تويوتا لاند كرۋزەر» كولىگىن مىنگەن اڭشىلاردى پوليسەيلەر مەن «وحوتزووپروم» رمك قىزمەتكەرلەرى جالاعاش اۋدانى قاراكەتكەن اۋىلىنىڭ «بوگەدەك» ۋچاسكەسىندە قولعا تۇسىرگەن.

«تەكسەرۋ كەزىندە كولىك سالونىنان 12-كاليبرلى ەكى اڭشى مىلتىعى، 172 پاترون تاركىلەنگەن. سونداي-اق، پوليسەيلەر توعاي اراسىنا جاسىرىلعان 18 كيىكتىڭ ەتىن تاپقان»، - دەپ جازادى باسىلىم.

اتالعان وقيعاعا وراي قك-نىڭ 337-بابى 4ء-بولىمى بويىنشا (ەرەكشە كۇزەتىلەتىن تابيعي اۋماقتا سيرەك كەزدەسەتىن جانە جويىلىپ كەتۋ الدىندا تۇرعان جانۋارلار ءتۇرىن زاڭسىز اۋلاۋ) قىلمىستىق ءىس قوزعالعان.

ەستەرىڭىزگە سالساق، مەملەكەتتىك قورعاۋعا الىنعان جانۋارلاردىڭ بۇل ءتۇرىنىڭ سانى وتكەن جىلعى كيىكتەردىڭ جاپپاي قىرىلۋى وقيعاسىنان كەيىن ەكى ەسەگە دەيىن كەمىپ كەتكەن.