استانا قالاسىنىڭ پوليسەيلەرى اقش پرەزيدەنتىنىڭ فاميلياسىمەن اتالاتىن جانە سىرتىنا باراك وباما سۋرەتى  سالىنعان جىلجىمالى ءدامحانانى اشىلماي جاتىپ، الاڭنان الىپ تاستاۋعا بۇيىرعان، - دەپ حابارلايدى «قامشى» پورتالى informburo.kz-كە سىلتەمە جاساپ.

اۆتوبۋس بازاسىندا جاسالعان ءدامحانانى استانالىق كاسىپكەر قالا كوشەلەرىنىڭ بىرىنە ورنالاستىرىپ، ەندى سالتاناتتى اشىلۋىن جاسايمىن دەپ وتىرعاندا، پوليسيادان قاتاڭ تالاپ قويىلعان.

«مەنى پوليسيا باستىعىنا شاقىرتتى دا، اۆتوكولىكتى بۇلاي وزگەرتۋگە بولمايتىنىن جانە ونىڭ ءبۇيىرىنىڭ 40 پايىزدان استامى بويالعانىنا بايلانىستى الىپ تاستاۋ كەرەكتىگىن ايتتى. مەنىڭشە، ماسەلە بوياۋدا ەمەس، «Food Truck»، ياعني دوڭگەلەكتى ءدامحانا يدەياسىندا سياقتى»، - دەيدى كاسىپكەر نۇرسۇلتان شارىپبايەۆ.

ازىرلەۋگە 4 ميلليون تەڭگەدەي قاراجات پەن ءبىر جىلعا جۋىق ۋاقىت كەتكەن بيزنەس-جوبا پوليسەيلەردىڭ وسى تالابىنىڭ كەسىرىنەن جۇزەگە اسپاي قالاتىن ءتۇرى بار.