بۇگىن ق ر ءبىلىم جانە عىلىم مينيسترلىگىنىڭ القا ماجىلىسىندە ۆيسە-پرەمەر داريعا نازاربايەۆا وسىلاي دەپ مالىمدەدى. بۇل تۋرالى «قامشى» پورتالى حابارلايدى.
«بۇگىن ءبىز ءوز بالالارىمىزدى كەم دەگەندە ءۇش تىلدە (قازاق، ورىس، اعىلشىن) سويلەۋگە ۇيرەتۋىمىز كەرەك. ويتكەنى، جاقىن بولاشاقتا بىزگە جۇڭگو ءتىلىن جانە ۇيرەنۋگە تۋرا كەلەدى. ءبىزدىڭ وڭتۇستىكتەگى ۇلى كورشىمىز – ءبىزدىڭ تاعدىرىمىز»، - دەدى ءبىلىم جانە عىلىم مينيسترلىگىنىڭ القا ماجىلىسىندە داريعا نۇرسۇلتان قىزى.
ول جيىندا سويلەگەن سوزىندە جۇڭگو ەكونوميكاسىنىڭ زور قارقىنمەن دامىپ كەلە جاتقانىن تىلگە تيەك ەتتى.
«ءقازىر ءبىرشاما باياۋلاۋ بار. ءبىراق، جۇڭگو – ول جۇڭگو، ول اسىقپايدى، ولار «ءجۇز جىلدان سوڭ بارلىعى جاقسى بولادى» دەگەن ساناتتا ويلايدى»، - دەيدى ۆيسە-پرەمەر.
