قاراعاندى مەملەكەتتىك تەحنيكالىق ۋنيۆەرسيتەتىنىڭ ستۋدەنتتەرى مەن وقىتۋشىلارى كۇن ەلەكتر ستانسياسى ارقىلى بالامالى ەنەرگيا كوزىنە قول جەتكىزدى. ونىڭ قۋاتى سپورتزال مەن جوعارعى وقۋ ورنىنىڭ اۋلاسىن جارىقپەن قامتۋعا جەتكىلىكتى. ستۋدەنتتەر مەن وقىتۋشىلار ءقازىر كۇن ەلەكتر ستانسياسىنىڭ ءارتۇرلى اۋا رايىندا قالاي جۇمىس ىستەيتىنىڭ باقىلاۋدا، - دەپ حابارلايدى 24 kz ارناسى.

باستى ماقسات – جاۋىن-شاشىن كەزىندە دە قۇرىلعىنىڭ تيىمدىلىگىن ارتتىرۋ. ول ءۇشىن كۇننىڭ جاعدايىن قاداعالايتىن ارنايى جۇيە قۇرىلعانەكىجاقتىق مودەل قۋات كوزىن تەك كۇننىڭ جارىعىنان عانا ەمەس، جوعارىداعى جارىق پەن شاعىلىسقان جەردەن دە الۋعا مۇمكىندىك بەرەدى. زەرتتەۋ جۇمىستارى كەزىندە بەلىگىلى بولعانداي، اسفالتتى اق بوياۋمەن سىرلاسا، قۇرىلعى قۋاتى كوزىن 6%-عا كوتەرەدى، دەدى جوبا جەتەكشىسى ۆياچەسلاۆ يۋگاي.

تەحنولوگيا جانە بايلانىس جۇيەلەرى كافەدراسى قۋات كوزىن ۇنەمدەۋ تەحنولوگياسى باعىتىندا 5 جىلدان بەرى جۇمىس جاساپ كەلەدى. بىرنەشە ۇلگى جاسالدى. سوڭعى تاجىريبەدە، اككۋمۋلياتورلىق باتارەيالاردى سۋتەگى ءوندىرۋ جۇيەسىنە الماستىرۋ شەشىمى قابىلداندى. ەندى قۇرىلعىنىڭ ۇنەمشىلدىگى ارتىپ، قىزمەت كورسەتۋ مەرزىمى ۇزاردى. كۇن ەلەكتر ستانسياسى ساعاتىنا 2 كۆت قۋات وندىرەدى. بۇل بىرنەشە سپورتزال مەن ۋنيۆەرسيتەت اۋلاسىن جارىقپەن قامتۋعا تولىق جەتەدى ەكەن.