قازاقستان پرەزيدەنتى نۇرسۇلتان نازاربايەۆ رەسەي فەدەراسياسىنىڭ باسشىسى ۆلاديمير پۋتينمەن تەلەفون ارقىلى سويلەستى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.

اڭگىمەگە قازاقستاندىق تاراپتىڭ باستاما بولعانى حابارلانىپ وتىر.

"ەكونوميكالىق تاقىرىپتا، ونىڭ ىشىندە وتىن-ەنەرگەتيكا سالاسىنداعى جاعداي اڭگىمە ءوربىدى. وڭىرلىك ساياساتتىڭ وزەكتى ماسەلەلەرى جونىندە پىكىر الماسۋ بولدى. ەكىجاقتى بايلانىس كەستەسى دە قوزعالدى"، - دەلىنگەن حابارلامادا. 

ايتا كەتەيىك، وسىعان دەيىن قازاقستان پرەزيدەنتى نۇرسۇلتان نازاربايەۆ ەنەرگەتيكا ءمينيسترى ۆلاديمير شكولنيكتى قابىلداپ، مۇناي-گاز سەكتورىنداعى جانە ەلەكتر ەنەرگەتيكاسى، قورشاعان ورتانى قورعاۋ، اتوم سالالارىنداعى احۋال مەن مينيسترلىكتىڭ باسقا دا باعىتتاعى جۇمىستارى تالقىلانعان بولاتىن. ەنەرگەتيكا ءمينيسترى مۇناي ءوندىرىسىن 77 ميلليون تونناعا دەيىن تومەندەتۋ جونىندە بيىلعى جىلعا قاراستىرىلىپ وتىرعان كولەمدى كەيىن قاشاعان كەنىشىن ىسكە قوسۋ ەسەبىنەن تولتىرۋ جوسپارلانىپ وتىرعانىن مالىمدەدى.