Májiliste Palata Spıkeri Nurlan Nyǵmatýlınniń tóraǵalyǵymen ótken jalpy otyrysta depýtat Andreı Begeneev Qorshaǵan orta jáne sý resýrstary mınıstri Nurlan Qapparovqa depýtattyq saýal joldady.

«Elimizde 30 mıllıard tonnadan astam qaıtalama resýrstar jınaqtalyp qalǵany belgili. Jáne sonyń ishinde 20 mıllıard tonnasy taý-ken metalýrgıalyq keshenniń tehnogendik qaldyqtary bolyp otyr. Jáne de olardy jeke bir shıkizat bazasy retinde alyp qaraý kerek dep atap ótti, Nursultan Ábishuly Nazarbaev mıneraldyq resýrstar jáne metalýrgıa boıynsha qazaqstandyq halyqaralyq Kongreste.

Biraq, ókinishke oraı, búgingi tańda olar eshqandaı kádege aspaı jatyr jáne olar jınala túsýde. Alaıda, qazir kóptegen elder olardy, mysaly, qurylys materıaldarynyń óndirisinde jáne ekonomıkanyń basqa da salasynda tıimdi paıdalanýda.

Investısıa tartýda qaldyqtardyń bir paıyzyn qaıta óńdeý mıneraldyq-shıkizat kesheniniń eki paıyzyna deıin azaıtýǵa múmkindik beretinin naqty esepter dáleldep otyr. Metalýrgıalyq qojy qaldyqtaryn paıdalaný kezinde betondy alý úshin sementtiń shyǵyny 30-40 paıyzǵa deıin azaıady.

Halyqqa arnaǵan Joldaýynda Memleket basshysy: «Bizge dástúrli óndirýshi sektorlar tıimdiligin arttyrý mańyzdy»,- dep atap ótti.

Joǵaryda aıtylǵandardy eskere otyryp, myna jaıttardy bilgim keledi: Bizdiń elimizde atalǵan baǵytta qandaı jumystar júrgizilýde jáne keleshekte qalaı bolmaq?

Osy máseleni qarap, zańnamada belgilengen tártipte jaýap berýińizdi suraımyn».

26.02.2014