Almaty ýnıversıtetinde 28 sáýir kúni «Ýnıversıtet arýy-2016» baıqaýy bolyp ótti. Sulý da symbatty, aqylyna kórki saı, bilimdi de ónerli arýdy anyqtaıtyn baıqaýǵa qatań irikteýden ótken 8 stýdent qatysty,-dep habarlaıdy Qamshy.kz.
Saıysta sulýlar 7 nomınasıa boıynsha baq synasty. Atap aıtqanda: sálemdesý, mánerlep óleń oqý, vıktorınalyq suraqtar, ulttyq taǵam, óz ónerin kórsetý, keıipker beınesin beıneleý, sán úlgisi.
Sulýlar saıysyna qazylar alqasynan ýnıversıtet rektory Shildebaı Sábıt Qamytbekuly, tárbıe isi jónindegi prorektor Amanǵalıeva Symbat Tlegenqyzy, ýnıversıtet prfessory Ádilbekova Hadısha Kondratqyzy, kitaphana meńgerýshisi Sulýshash Ádıqyzy jáne aǵa oqytýshy Naımanbaı Almas Ábdimanapuly tórelik etti.
Aldyńǵy nomınasıalarǵa qaraǵanda kórikti qyzdar óz ónerlerin kórsetýde birinen-biri asyp tústi. Biri, «Tumar hanshaıymnyń» obrazynda shyqsa, endi biri «Múgedek qyzdyń» armany jaıly kórinis qoıdy. «Jetim qyzdyń» monology oqylǵanda kórermenderdiń kózine jas úıirildi. Keńes Odaǵynyń batyry, qazaqtyń batyr qyzy Álıa Moldaǵulovanyń beınesin somdaǵanda rýhtanbaǵan jan qalmady. "Er Tarǵyn" jyryndaǵy Aqjúnistiń beınesin kórgende arýlarymyzdyń boıynan batyrlyq pen náziktik qatar kórinis tapty. Jeti túrli saıysty tamashalaǵan Almaty ýnıversıtetiniń stýdentteri men kesh qonaqtary qazaq qyzdarynyń ónerlerine dán rıza boldy.
"Ýnıversıtet arýy" ataný - kez-kelgen qyz balasynyń armany. Sondyqtan jeńimpazdy anyqtaý qazylar alqasyna ońaı bolǵan joq. Sonymen, Almaty ýnıversıtetiniń "Ýnıversıtet arýy-2016" baıqaýynyń jeńimpazy, ıaǵnı bas júldeni saıystyń basynan aıaǵyna deıin belsendi qatysqan «Dene shynyqtyrý jáne sport» mamandyǵynyń 1 kýrs stýdenti Nazgúl Taıshybekova jeńip aldy. İ oryndy da «Dene shynyqtyrý jáne sport» mamandyǵynyń 1 kýrs stýdenti Jansulý Ádilbekova ıelendi. Al, İİ oryn «Informatıka» mamandyǵynyń 1 kýrs stýdenti Aıdana Kalımbaevaǵa buıyrdy. İİİ oryndy eki birdeı stýdent - Araı Raıymberdıeva «Pedagogıka jáne psıhologıa» mamandyǵynan jáne «Shet tili» mamandyǵynan Dıana Ermekova laıyq dep tanyldy. Baıqaýǵa qatysýshy «Dene shynyqtyrý jáne sport» mamandyǵynyń stýdenti Dıana Azamatova "Súıkimdi arý", «Bastaýysh oqytýdyń pedagogıkasy men ádistemesi» mamandyǵynyń stýdenti Aıdana Moldasheva "Bilimdi arý", «Bıologıa» mamandyǵynyń namysyn qorǵaǵan Nazgúl Jýsanbaı «Ónerli arý» nomınasıalaryn ıelendi.
Jeńimpazdardy quttyqtaý rásiminde Almaty ýnıversıtetiniń rektory Sábıt Shildebaı «Ýnıversıtet arýy-2016» baıqaýyna qatysýshy qyzdardyń barlyǵyna oqý aqysyn tóleýge on paıyz jeńildik berse, bas arýǵa jıyrma paıyz jeńildik jasap, baǵaly syılyqtarmen marapattady. Jyl saıyn dástúrli túrde ótip kele jatqan «Ýnıversıtet arýy» baıqaýyn uıymdastyrýshy «İs – tájirbıe jáne jumysqa ornalastyrý» bóliminiń bastyǵy, ýnıversıtet profesory Hadısha Ádilbekova bul saıystyń bıyl ýnıversıtette dástúrli 12 – ret ótilip otyrǵandyǵyn aıta otyryp, saıysqa qatysýshy qyzdardy jeńisterimen quttyqtady. Tárbıe isi jónindegi prorektor Amanǵalıeva Symbat Tlegenqyzy Hadısha apaıǵa rızashylyǵyn bildirip, denine saýlyq, otbasyna amandyq tiledi.
Stýdenttik shaqtyń umytylmas kezeńderiniń biri - jataqhanadaǵy qyzyqtar men ýnıversıtet ishinde ótiletin konkýrstar ekeni daýsyz. «Ýnıversıtet arýy» baıqaýy sol umytylmas stýdenttik shaqtyń bir kórinisi. Jyl saıyn ótse de óz mańyzyn joǵaltpaıtyn is-shara ekenine bıyl da kóz jetkizdik. Tárbıesi men tálimi bar, halqymyzdyń salt – dástúrin dáripteıtin «Ýnıversıtet arýy» saıysyn uıymdastyrýshy Ádilbekova Hadısha apaıymyzǵa aıtar alǵysymyz sheksiz.
Almas Naımanbaev,
Ýnıversıtet aǵa oqytýshysy, f.ǵ.m.
