Astana kúnine oraı Elordada ótken "Baǵanaly ordam-Basty ordam" atty aıtysta Bolatbek Orazbaevtyń Aıbek Qalıevpen aıtysynda aıtqan bir qaıyrymy edi. Úzindisin usynamyz.

Qarasha úıde shanshyǵan qara ýyqty,

Danyshpandar týdyrǵan dala qutty.

Alash-Alash, Alasha-Han bolǵaly,

Tarıhtan talaı tarmaq taralypty.

Sonyń biri bir kezde Otyrarda,

El ishin daý, el shetin jaý alypty.

Shyńǵys han áskerimen shabýyldap,

Halyqqa tóndiripti qara bultty.

Eki júz myń áskermen alty aı boıy,

Ala almaı jan berisip, jan alypty.

Qaptaǵan qalyń qolǵa qarsy turyp,

Qaıyrhan kórsetipti danalyqty.

El ishinen bir satqyn esikti ashyp,

Jaý áskeri jebedeı qadalypty.

Shegirtkedeı qaptaǵan qalyń qolǵa,

Qarasha el qyrǵaýyldaı talanypty.

Qanshama kitaphana otqa oranyp,

Qazynasy halqymnyń tonalypty.

Osyndaı satqyndardyń kesirinen,

Otyrar jer betinen joǵalypty.

Sodan beri san ǵasyr syrǵyp ótip,

Zymyrǵan zamana jańarypty.

Shapqynnan esen qalyp es jıǵanda,

Estidik jer týraly jańalyqty.

Satqyndar áli de bar el ishinde,

Qazaqpyn dep bylǵanǵan aralyqty.

Sondyqtan saýysqandaı saq bolmasaq ,

San soqtyryp ketpekshi támam ultty

Qaıyrhannyń qolynda qaıran bar ma?

Qarashoqy júrgende qara murtty.

Bolatbek Orazbaev