Búgingi tańda Otandyq JOO-nyń ishindegi álemge tanymaly, jastardyń armanyna aınalǵan – Nazarbaev Ýnıversıteti.
Nazarbaev Ýnıversıtetiniń bilim berý ádisiniń basqa oqý oryndarynan ereksheligi aıtarlyqtaı kóp.
Birinshiden, ýnıversıtet ózindik bilim standarttary boıynsha jumys isteıdi. Oqytý tek aǵylshyn tilinde júredi, biraq arnaıy qazaq tili kafedrasy bar. Álemniń túkpir– túkpiriniń eń úzdik ýnıversıtetterinen jınalǵan profesorlar dáris beredi (mysaly, Ulybrıtanıanyń eń úzdik ýnıversıteti – UCL).
Ekinshiden, elimizdiń basqa ýnıversıtetterimen salystyrǵanda, Nazarbaev Stýdentterdiń oqýy men ýnıversıtet jataqhanasynda jaıly turýlary úshin barlyq qajetti jaǵdaı jasalǵan: jıhaz, tegin ınternet, kir jýatyn oryn, sabaq oqýǵa arnalǵan bólmeler. Bul oqý ornynda tek memleket tarapynan taǵaıyndalǵan grant ıegerleri oqıtyndyqtan, jatyn orny men tamaqtaný tegin (kúnine 4 ret). Meniń estýimshe, elimizdiń basqa ýnıversıtetterinde konsertter men basqa da is sharalarǵa qatysýǵa stýdentterdi májbúrlep jatady. Al, Nazarbaev Ýnıversıtetinde bolatyn is sharalar jaıynda stýdentterdi aldyn-ala habardar etedi, baryp - barmaý stýdenttiń óz erkinde.
Nazarbaev Ýnıversıtetiniń jataqhanasy
Nazarbaev ýnıversıtetiniń asqanasy
Úshinshiden, oqytý júıesi, sabaq kestesin, muǵalimderdi stýdentterdiń ózderi tańdaýyna múmkindik beredi. Sonymen qatar, stýdentter óz bilimin tájirıbe júzinde de kórsete alady. Halyqaralyq pánaralyq ınstrýmentaldyq ortalyqtyń maqsaty - erekshe qymbat turatyn taldaý jabdyǵyn tıimdi paıdalaný, pánaralyq irgeli jáne qoldanbaly zertteýlerdi ótkizý. Bul ortalyqtyń bazasynda joǵary tehnologıalyq birneshe zerthana ashylýda. Zerthanalar fızıka, hımıa, materıaltaný, bıologıa, tehnıka jáne medısına syndy pánaralyq baǵyttardy qamtıdy.
Ýnıversıtet mısıasy - Qazaqstanda bilim men ǵylymı-zertteý qyzmetiniń damýyna múmkindik berý, sonymen qatar Astananyń Eýrazıa ortalyǵynda zertteý jáne bilim berý ortalyǵyn qalyptastyrý.
Sport súıetin jandarǵa arnalǵan eki tenıs korty, eki fýtbol alańy, basketbol alańdary jáne de sportzal bar.
Degenmen, kóptegen múmkindikterge qaramastan,Nazarbaev Ýnıversıtetinde bilim berý aǵylshyn tilinde júzege asyrylatyndyqtan qazaq tiline kóńil bólinbeıdi. Sonymen qatar, bilim berý júıesi ózgeshe bolǵandyqtan, ýnıversıtetke túsý erejeleri de ózgeshe. Orta mektep oqýshylary mundaǵy baǵdarlamalarmen tanys emes. Qosymsha daıyndyq arqyly ǵana bul emtıhandardy tapsyra alady.
Joǵaryda aıtylǵan kemshilikterge qaramastan, Nazarbaev Ýnıversıteti - kóptegen múmkindikter men jarqyn bolashaqqa jol ashatyn oqý orny.
