Inflásıa deńgeıiniń tómendeýi baıqalyp otyr. Tamyz aıynda aılyq ınflásıa 0,2 paıyzǵa deıin baıaýlap, jyldyń basynan 5,4 paıyzdy qurady. Bul týraly Aqordada Memleket basshysynyń tóraǵalyǵymen ótip jatqan Úkimettiń keńeıtilgen otyrysynda QR Ulttyq ekonomıka mınıstri Qýandyq Bıshimbaev málimdedi, - dep habarlaıdy Qamshy.kz Baq.kz - ke silteme jasap.

«Inflásıalyq prosesterdiń baıalaýy baıqalyp otyr. Bıylǵy jyldyń shildesinde jyldyq ınflásıa shektik deńgeıge jetip, aqyryndap tómendeı bastady. Tamyz aıynda aılyq ınflásıa 0,2 paıyzǵa deıin baıaýlap, jyldyń basynan 5,4 paıyzdy qurady», - dep baıandady Q.Bıshimbaev.

Taǵy bir mańyzdy faktor, ekonomıkany kredıtteý qaıta bastaldy. Mınıstrdiń aıtýynsha, eger qańtardan sáýirge deıin kredıtter kólemi tómendese, mamyrdan bastap ósim baıqalǵan.

«1 tamyzdan bastap kredıtter 0,5 paıyzǵa ósip, 12,7 trln teńgeni qurady», - dedi ol.

Al respýblıkanyń syrtqy taýar aınalymy birinshi jartyjyldyqta 30,4 paıyzǵa, ıaǵnı 28 mlrd dollarǵa deıin tómendegen. Eksport 17,1 mlrd, al ımport 12,3 mlrd dollardy qurady.

Aıta keteıik, Aqordada Memleket basshysy Nursultan Nazarbaevtyń tóraǵalyǵymen Úkimettiń keńeıtilgen otyrysy ótip jatyr. Otyrysta bıylǵy jyldyń 8 aıyndaǵy eldiń áleýmettik-ekonomıkalyq damýynyń qorytyndysy shyǵarylyp, aldaǵy ýaqyttaǵy mańyzdy maqsat-mindetter aıqyndalady.