Halyqaralyq Stratfor saraptama agenttiginiń mamandary Reseıdegi bilikti mamandardyń, iri jańalyqtar ashqan kórnekti ǵalymdardyń shet elge kóptep ketkeni týraly zertteý qorytyndysyn jarıalady, - dep habarlaıdy Qamshy.kz.
Tek 2015 jyldyń ózinde Rseıden 350 myń adam shet elge birjolata qonys aýdarypty. Al 2009 jylǵy ekonomıkalyq daǵdarys kezinde bóten elge ketkenderdiń sany 32 myńnan aspaǵan eken.
Sarapshylar Reseıdiń myqty degen dáriger, ınjener, ǵalym, ustazdarynyń basqa jaqqa lek-legimen ketip jatqanyna alańdaýly. 2014 jylǵy densaýlyq saqtaý reformasy máskeýlik 7 myńǵa jýyq dárigerdi jumyssyz qaldyrǵan. Qyzmetinen aırylǵandardyń basym bóligi AQSH, Germanıa, Kanada, Fınlándıa sıaqty memleketterden oryn tapqan.
Stratfor-dyń baıandamasy boıynsha, joǵary bilimi bar Reseı azamattarynyń 23 paıyzy bóten elge ketkisi keledi eken. Al jastardyń 38 paıyzy, top-menedjerlerdiń 42 paıyzy basqa memlekette jumys isteýge nıetti. Olardyń ornyna burynǵy keńestik respýblıkalardan shyqqan musylmandar Reseıge aǵylyp kelýde.
Sarapshylar Reseıge jaqyn jyldary ǵylym men bilim júıesiniń quldyraý qaýip baryn eskertýde. Bloomberg sarapshysy Leonıd Bershıdskııdiń sózine sensek, 2015 jyly Reseıge TMD memleketterinen 500 myńnan astam adam jumys izdep barǵan. Olardyń basym bóligi Orta Azıa respýblıkalary, Moldova men Ázirbaıjan sıaqty elderdiń ókilderi.
Reseıge barǵan Orta Azıa ókilderiniń deni zaýyt-fabrıkalarda, saýda-sattyq oryndarynda jáne qara bazarda jumys tapqandyǵy belgili.
Al, Qazaqstan sońǵy 20 jylda qansha ǵalymynan aıryldy? Neshe júz nemese myń bilikti maman elin tastap, kapıtalısik memleketterge birjolata kóship ketti? Osyny zerttegen maman bar ma?
Dana Qamshybek
