Isa Qultýmaev Mańǵystaý oblysynyń Jetibaı aýylynan Almatyǵa ádildik izdep kelgen. Eki jyl buryn ol saraıdan 16 jastaǵy ulyn asylyp turǵan kúıinde taýyp alǵan. Jergilikti tergeýshiler munyń ózine qol jumsaý dep shyǵaryp, isti tezirek jabýǵa tyrysypty.
Bul týraly Qamshy.kz Stan.kz-ke silteme jasap habarlaıdy.
Alaıda, jetkinshektiń jaqyndary munyń adam óltirý isi ekenine kúmán keltirmeıdi. Tipti, ákesi ulynyń óliminiń sebebin de biletin kórinedi. Onyń negizgi sebebi – erteden kele jatqan «bótelke» oıyny.
Isa Qultýmaetyń aıtýynsha, aýyldastary «bótelke» oıynyn oınaıdy. Oıynda jeńilgen adam úılenýi tıis.
«Oıynshylar dóńgelene otyryp alyp, bótelkeni aınaldyrady. Bótelkeniń basy kimge qarap toqtasa, sol adam úılenýi kerek bolady. Osylaı oınap otyrǵanda bótelke Isanyń uly Abdrahmanǵa qaraǵan. Alaıda, ol úılenýden bas tartady», – deıdi balanyń advokaty Ábilǵazy Nábıev Almatydaǵy pres-konferensıada.
Isanyń ózi oqıǵa bolardan birer ýaqyt buryn balalardyń kelgenin, olar ulymen «er azamattarsha sóılesýin» talap etken. Alaıda, ákesi olardy qýyp jiberipti. Keıinnen uly dúkennen saǵys alamyn dep shyǵyp ketip, sol kúıi oralmaǵan.
Abdrahmandy aýyl shetinen tapqan. Ol aǵashqa asylǵan kúıinde tabyldy. Onyń asylǵan kúıi jaqyndary men qorǵaýshysyny kúmánin týǵyzdy.
«Men boıym 184 sm bolsa da garajdyń tóbesine jete almadym. Tipti tergeý málimetterinde keltirilgen tastyń ústine shyqsam da jetý múmkin bolmady. Al, Abdrahmannyń boıy nebary 174 sm», – deıdi advokaty.
Eń tańdanarlyǵy polıseıler balanyń ólimine ákesin kinalaýǵa tyrysypty. Óıtkeni Isa musylman bolǵandyqtan, namaz oqıdy, ózi qajylyqqa barǵan adam. Polıseıler onyń qatal áke bolǵanyn, sondyqtan uly ózine qol jumsaýǵa barǵanyn aıtqan.
«Men qajylyqtan kelgen soń ulyma namaz oqy dep aıta bastadym. Alaıda, men dinı kózqarastan bólek toleranttylyqty ustanamyn. Ár bala namaz oqý-oqymaýyn ózi sheshýi kerek», – deıdi ákesi.
Ákesi mundaı aıyptyń artynda tergeýshilerdiń biri turǵanyn aıtady. Óıtkeni, ol ózine kúdikti balalardyń biriniń aǵasy. Sondyqtan da oıyn oınaǵan balalar bul iste tek kýágerler retinde qarastyrylǵan. İstiń ózi bes ret jabylypty.
Endi qaıtys bolǵan jigittiń týystary İİM basshysynan aımaqqa ortalyq mınıstrlik apparatynyń qyzmetkerlerin jiberýdi, jumbaq isti tekserip shyǵýdy surap otyr.
