Semeılik neırohırýrgter alǵash ret mıǵa operasıa jasady,- dep habarlaıdy Qamshy.kz 24.kz-ke silteme jasap.
Buryn naýqastar emdelý úshin Astana qalasyna nemese shetelge barýǵa májbúr bolatyn. Qazir turǵyndar sapaly da zamanaýı medısınalyq qyzmetke qol jetkizip otyr. Ol úshin jergilikti mamandar Astana qalasyndaǵy Ulttyq neırohırýrgıa ortalyǵynda arnaıy bilimin jetildirip, tájirıbe jınaqtady. Mıdaǵy isikti ınovasıalyq jolmen alýǵa arnalǵan ozyq qural-jabdyqtar satyp alyndy. Jyl sońyna deıin 50-den astam operasıa jasaý kózdelip otyr.
Fakızat Qalıeva, naýqas:
- Meniń dıagnozym –gıpofız adenomasy, ol mıdaǵy isik. Aýrýhanaǵa jedel járdemmen tústim. 5 kún boıy jansaqtaý bóliminde es-túzsiz jattym. Endi osy jaqqa shyǵardy. Osy neırohırýrgıa bólimi meni o dúnıeden alyp shyqty deýge bolady. Myń da bir rahmet aıtam, birinshi Allaǵa, ekinshi osy dárigerlerdiń arqasy.
Altaı Qultýmanov, Neırohırýrgıa bóliminiń meńgerýshisi:
- Jyl ótken saıyn bizdiń bólimde ınovasıalyq jańa tásilder kóbeıip keledi. Munyń bári memlekettiń qamqorlyǵy arqasynda júzege asyp otyr. Mıǵa alǵash ret jasalǵan operasıalarymyz sátti ótip, naýqastarymyz qulan taza aıyǵýda. Bolashaqta da bul baǵytta tek aldyǵa qadam basa beremiz.
