Monshaq júzim – jemisti gúldiń aty, baqsha jemisine jatady.

         Qazaq gúl bapkerleri monshaq júzimdi júzimder tuqymdasyna jatqyzady, shyrmalyp ósetin júzimder týysy dep biledi. Qazirgi kezde onyń 4000-nan astam túri bar. Ósimdik zertteýshileriniń aıtýynda, 60 mıllıon túrden asatyn monshaq júzim áldem elderi baqshasynda egilýde. Kópjyldyq aǵashtektes ósimdik, onyń uzyndyǵy 1-3 metr shamasynda bolady. japyraǵy kezektesip ornalasqan. Shashaq gúl shoǵyry japyraǵymen qarama-qarsy ornalasady. Gúli jasyl tústi, usaq jıegi qyzyl gúl tústi keledi. Qumdy, ystyq jerlerde ósedi.

Qazaqtyń kónekóz, kóregen emshileri monshaq júzimniń jemisi dári bolatynyn aıtady. Kúzde jemisi piskende jınap alyp, kóleńke jerde keptiredi. Monshaq júzimnen jasalǵan dárilerdiń qasıeti – tátti dámdi, jyly raıly, ýytsyz bolady. Aýrýdyń syrtqy belgilerin emdep, qyzylshany syrtqa shyǵarady. Nesepti molaıtady, ýytty qaıtarady. Qyzylsha syrtqa shyqpaǵanda monshaq júzimnen 5 mysqal, qamys tamyry 3 mysqal, askók tamyry 3 mysqaldan sýǵa qaınatyp ishkizedi. Sodan qyzylsha bórtkenderi adamnyń syrtyna shyǵady, qaýip-qaterden aman qalady.

Jas balanyń ystyǵy kóterilip, qyzyp aýyrǵanda, nesep joly qabynyp qyzǵanda, ishtegi bala tynyshsyzdanǵanda da osy dárini paıdalanýǵa bolady. monshaq júziminiń quramynda qant jáne ár alýan dárýmender kóp. Ol adam densaýlyǵyna paıdaly, keri áseri joq.