Bas keńsesi Qytaıda ornalasqan «Alibaba» online saýda saıty  11 qarasha «boıdaqtar kúnine» oraı alǵashqy saǵattyń ózinde 5 mıllıard dollarǵa jýyq satylym jasady. Bul týraly «Qamshy» portaly habarlaıdy.

Alibaba – álemniń eń úlken hám vırtýaldy saýda kúni retinde sanalatyn 11 qarashanyń alǵashqy 7 mınýtynda  10 mıllıard ıýán (1,43 mıllıard dollar), alǵashqy saǵatta bolsa 36,2 mıllıard ıýán (shamamen 5 mıllıard dollar) saýda jasaǵan.

Ótken jylǵy «Boıdaqtar kúninde» alǵashqy saǵatta-aq 3,9 mıllıard dollarlyq saýda jasaǵan «Alibaba» elektrondy saýda saıty bıyl 25 paıyzǵa artyq saýda jasap, jańa rekordqa jetti. Elektrondy saýda negizinen uıaly telefon arqyly jasalǵan.

Aıta keter bolsaq, Qytaıdaǵy ınternet saýdasynyń %84-i «Alibaba» online saýda saıty  arqyly jasalady. «Alibaba.com-ǵa» tıesili «Taobao», «T-mall» bir basqa «JD.com» sıaqty ınternet dúkender de boıdaqtar kúnine oraı  promo-aksıalar uıymdastyrǵan.

«Alibaba» ınternet dúkeni tolyq kúnde  $20 mlrd. saýda rekordyn jasaýdy kútip otyr. Ótken jyldyń osy kúni 14,3 mıllıard dollarlyq saýda jasalǵan.

Qytaıda «qos 11» kúni(11 qarasha) «Boıdaqtar kúni» retinde beıresmı merekege aınalyp, ınternet dúkenderden boıdaqtardyń saýda jasaýy dástúrge aınalyp qalǵan. «Alibaba» ınternet dúkeni alǵash ret  2009 jyly $8  mlrd. saýda jasaǵan.