«Astana EKSPO-2017» ulttyq kompanıasynyń salynyp jatqan alańynda búgin apat bolyp, pavılondardy jalǵaıtyn kópir qulaǵany týraly habarlaǵanbyz. Apat ornyna shuǵyl áreket qyzmetterimen qatar úsh birdeı jedel medısınalyq járdem kóliginiń de barǵanyn jazady Tengrinews.kz.

«Apat ornynda kúzet kúsheıtilgen. Eshkimdi qurylys alańyna jibermeı jatyr. Alǵashqy jedel járdem kóligi bir jumysshyny alyp ketti. Ekinshisi apat ornynan bos shyqty. Úshinshi brıgada oqıǵa ornynda qaldy. Dárigerler men tótenshe jaǵdaılar qyzmetkerleri eshteńe dep pikir bildirmedi», - dep jazady Tengrinews.kz.

Keıinirek, jedel járdem qyzmeti gospıtalızasıalanǵan qurylysshynyń jaraqat alýyna qulaǵan kópirdiń qatysy joǵy, onyń alańda óz betimen júgirip kele jatyp, qulaǵany, sonyń saldarynan jaraqat alǵanyn habarlady.

Astana qalasy Densaýlyq saqtaý basqarmasyndaǵylar jaraqat alǵan jumysshynyń 26 jastaǵy Qazaqstan azamaty ekenin, onyń EKSPO nysandarynyń birinde óndiristik jaraqat alǵanyn, qazir №1 qalalyq aýrýhanaǵa tize jaraqatymen jatqyzylǵanyn aıtady.