"Habar" telearnasyndaǵy "Táýelsizdik taǵylymy" baǵdarlamasynda Qazaqstan shekarasynyń qalaı bekitilgeni aıtyldy dep habarlaıdy Tengrinews.kz tilshisi.

"Men álemde toǵyzynshy oryn alatyn Qazaqstan shekarasynyń zań júzinde qalaı bekitilgeni jaıly aıtqym kelip otyr. Qytaı Halyq Respýblıkasymen óte qıyn kelissózder júrgizildi. Kelissózder 1992 jyly bastalyp, 1994 jyly shekarany júrgizý týraly kelisimshartqa qol qoıyldy, biraq eki jer telimi daýly boldy - bul ejelgi jerlerimiz edi. HİH ǵasyrda jasalǵan kelissózder osy daýly máseleler jer telimderiniń Qytaıdyń ıeliginde ekenin kórsetti. Aldymyzda qıyn másele turdy - osy terıtorıaǵa ıelik etýge quqyq alý", - dep eske aldy Senat spıkeri Qasym-Jomart Toqaev.

Onyń aıtýynsha, qytaı delegattary myń, tipti on myń jyl boıy kelissóz júrgizýge daıyn edi, alaıda qazaqstandyq saıasatkerler osy kezde Nursultan Nazarbaevtan kómek surady.

"Bizdiń Prezıdenttiń aıtqan sózderi senimdi boldy, ol bul máseleni qazir sheshý kerek jáne jerdi Qazaqstanda qaldyrý kerek dedi, sebebi bolashaqta bul másele Qazaqstan úshin de, Qytaı úshin de úlken problema týǵyzady, biz strategıalyq seriktes bola almaı qalamyz dedi. QHR tóraǵasy Szán Szemın sol kezde "Men ashyǵyn aıtaıyn, qytaı halqy, onyń ishinde Gonkong pen Taıvan halqy bul máseleni sheshýge qarsy" dedi. Sonymen qatar, áskeri de qarsy boldy. Prezıdentimizdiń jigeri men strategıalyq kóregendiliginiń arqasynda, bul másele Qazaqstannyń paıdasyna sheshildi", - dedi sol kezde syrtqy ister mınıstri qyzmetinde bolǵan Senat spıkeri. 

Qytaımen kelisimshartqa 1996 jyly qol qoıyldy, al 2002 jyly demarkasıa týraly kelisimshart jasaldy, ıaǵnı shekara belgilerin qoıý týraly sheshim. 

"Ózbekstanmen de, Qyrǵyzstanmen de osyndaı másele boldy. Shekarada halyqtyń bir-birine tyǵyz ornalasqany sonshalyqty, shekara úıdiń ortasynan ótti, máselen jatyn bólmesi bizde bolsa, asqanasy arǵy memlekette ketti. Kelisý kerek boldy. Kelissózderdiń sońǵy kezeńinde meni aýyr artılerıa retinde osy máselege aralastyrdy, biz osy máseleni sheshtik, osy memleketterdiń basshylary bizge joǵary baǵa berdi", - dep eske aldy Memleket basshysy.

Toqaevtyń aıtýynsha, Reseımen de osyndaı kelissózder ońaı bolǵan joq, óıtkeni tarıhtaǵy belgili sebepter bolǵan, anyǵynda Reseımen eshqandaı da tarıhı kelissózder júrgizilmegen.

"Biz ákimshilik shekara boıymen júrdik, kelissózder qıyn boldy, sonda bizdiń Prezıdent taǵy da senimdi dálelder keltirip, qujatqa qol qoıyldy, buǵan Reseı prezıdenti "Burynǵy Keńes Odaǵynyń ishindegi shekara boıynsha kózqarasymdy jaqsy bilesiz, biraq sizge degen zor qurmetimmen bul kelisimshartqa qol qoıamyn da, parlamentten ratıfıkasıalaýdy suraımyn" dedi", - dep eske aldy Qasym-Jomart Toqaev.

2006 jyly eki eldiń parlamenti Qazaqstan men Reseı arasyndaǵy shekarany júrgizý boıynsha kelisimshartty ratıfıkasıalady.