Meniń «ZOBALAŃ» DASTANYM ARADA 30 jyl ótse de taǵy da jaryq kórmepti!.. Keshe ǵana 1986 j. Áıgili Jeltoqsan Qasiretiniń 30 jyldyǵy búkil elimizde, ásirese, Qazaq Eli Táýelsizdiginiń altyn besigi Almaty shaharynda belgili bir deńgeıde atalyp ótkeni belgili. Almaty qalasynyń ákimdigi bul sharany ótkizýge qal-qadirinshe kóńil bólip, Jeltoqsan qurbandaryna as berip, zardap shekkenderge kómek qolyn sozyp degendeı jumys atqarǵany týraly osynyń aldyndaǵy habarymda aıtqanmyn.
...Bul arada men sol áıgili Jeltoqsanǵa qatysqan, ol jóninde «Azattyq» radıosyna tuńǵysh ret habar taratqan azamat, «Zobalań» dastanyn jazǵan aqyn retinde kóńilime qaıaý túsirgendeı bolǵan múldem basqa bir áńgimeni aıtaıyn dep otyrmyn...
Jeltoqsannyń 30 jyldyǵy qarsańynda Astanada turatyn inim, jeltoqsanshy Qurmanǵazy Rahmetovten olar shyǵaryp jatqan kitaptarynda meniń qandaı eńbegim kirgeni týraly suraǵanymda, ol meniń «Zobalań» atty dastanymnyń, «Zobalań» dastany qalaı dúnıege keldi?» degen maqalamnyń tolyq engenin aıtyp, menen súıinshi suraǵandaı bolǵany bar. Arada ótken 30 jyldan keıin elimizde tuńǵysh ret baspa júzin kórip otyrǵan «Zobalań» dastanym týraly qalyń jurtshylyqtan súıinshi surap, habar taratqanym jurtshylyq esinde bolar deımin? Osy Bolat Tólepbergenovtyń Qurmanǵazy Rahmetovtiń basshylyǵynda shyǵarǵan «1986-2016. Rýh pen Ar» degen kitabynyń tusaýkeseri bolyp, oǵan bárimiz qatysyp, shirenip tórge otyryp, kitaptyń tusaýyn óz qolymyzben kesip, máre-sáre bolǵanymyz esimde. Jeltoqsan qurbandaryn eske alaýǵa baılanysty sharalarǵa qatysyp júrgendikten arada ótken eki-úsh kúnniń ishinde meniń «Zobalań» dastanymnyń tolyq nusqasy engen ol kitapqa qaraýǵa qolym tımedi. 18.12.2016 j., jeksenbide sol «Ar men rýh» kitabyn bastan-aıaq sholyp qarap shyqtym. «Zobalań» dastanynyń aty da, zaty da joq bolyp shyqty. Osy Jeltoqsan qasiretine qatysqan, ol týraly tuńǵysh ret jazyp, shetelge taratqan men týraly da bir aýyz derek joq bolmaı shyqty. Ras, kitapta burynyraqta túsken eki fotosýretim júr. Onda «Jumash Kókbóri kim?» jáne «bul arada neǵyp júrgeni» týrasynda degennen basqa men jaıly tıtteı de aqparat bolmaı shyqty. Sonda buny qalaı túsinýge bolady? Kimdi kim, ne úshin aldap otyr jáne meni aldaıtyndaı olardyń basyna ne kún týdy eken degen zańdy suraq týyndaıdy?
«Zobalań» dastanynyń avtory, aqyn, Jumash Kenebaı
