kazday.kz saıtynda «Pervyı kanal Kazahstan» arnasynyń efırinde kórsetilgen jalǵan baǵdarlama jaıly Pozner pikir bildirdi» degen materıal jarıalandy. «Qamshy» portaly oqyrmandaryna materıaldyń qazaq tilindegi aýdarmasyn oqyrman nazaryna usynady.
17 jeltoqsan kúni «Pervyı kanal Kazahstan» arnasynda otandyq telejúrgizýshi Elmıra Shaýkentaeva men jýrnalıs Vladımır Poznerdiń áńgimesiniń úzindisi keltirilgen baǵdarlama kórsetilgen bolatyn.
Efırde dıktor «Pervyı kanal Kazahstannyń» qyzmetkeriniń bergen jaýaby sensasıalyq jańalyq ekenin tilge tıek etedi.
Sodan soń «Pozner» baǵdarlamasy kórsetiledi. Pozner Shaýkentaevaǵa «Siz meniń shaqyrýymdy qabyl aldyńyz. Qabyldaıdy dep oılaǵan joqpyn» dep sóıleıdi.
Kadrde Elmıra Shaýkentaeva paıda bolady. Pozner oǵan «Ózińizdiń qandaı qyryńyzdy unatpaısyz?» dep suraq qoıady.
«Qorqaqtyq. Býlgakovshe bul kemshilikterdiń eń jamany» deıdi Shaýkentaeva.
Intervú bar-joǵy bir mınýtqa sozylady. Odan soń úziledi.
Arnada kórsetilgen bul jazba ǵalamtorda shý týǵyzdy. Sebebi reseılik "Pervyı kanaldyń" muraǵatyna kirsek, Shaýkentaevanyń qatysýymen mundaı baǵdarlama shyqqan emes. 19 jeltoqsan kúni arnanyń resmı saıtynda Poznerdiń Mıhaıl Shemákınmen áńgimesiniń anonsy ǵana bar.
Eń bastysy, Pozner Shaýkentaevany ne úshin baǵdarlamasyna shaqyrýy kerektigi túsiniksiz.
Efırdi kórgen kórermen Shaýkentaeva Poznerdiń qonaǵy boldy dep oılap qaldy. Artqy fonǵa sensek, ol stýdıada otyrǵan sıaqty. Alaıda Pozner de, Shaýkentaeva da birge kórinetin kadr joq.
Daý-damaıdyń anyq-qanyǵyna jetý, aq-qaranyń jigin ajyratý maqsatynda Kazday redaksıasy Vladımır Poznerge habarlasqan bolatyn. Redaksıaǵa hat túrinde mynandaı jaýap keldi:
«Bul basynan bastap aıaǵyna sheıin jalǵan dúnıe (feık). Myna feıkke qarap «Pervyı kanal Kazahstandaǵy» aqparattyń "shynaıylyǵyna" kóz jetkizýge bolady eken. Mundaı jetistikpen el prezıdenti Nursultan Nazarbaev myrzany quttyqtaǵym keledi. Óz tań qalysymdy jasyra almaımyn, Vladımır Pozner».
Aıtpaqshy, bul «Pervyı kanal Kazahstannyń» qyzmetkerleri uıymdastyrǵan alǵashqy daý-damaı emes.
