Polshanyń 2017 jylǵa arnalǵan qarjylyq qorynda zań buzýshylyqtar bar degen qaýeset elge taralyp ketkende, Polsha halqy jappaı sherýge shyqty. Varshava qalasynda myńdaǵan adam parlament ǵımaratynyń aldyna jınaldy.

Olar Polshanyń bıleýshi «Pravo ı spravedlıvost (Quqyq jáne ádilettilik) partıasynyń basshysy Iaroslav Kachınınskımen kezdesýdi talap etti. Alaıda, partıa kóshbasshysy halyqpen kezdesýden bas tartty. Quqyqqorǵaý qyzmetkerleri sherýshilerdi yǵystyryp, onyń narazy halyqtyń talaýyna bermeı, ǵımarattan shyǵyp ketýine jaǵdaı jasady.

Polshada bolyp jatqan sherýge qatysty Polshanyń İshki ister Mınıstrliginiń basshysy Marıýsh Blashak málimdeme jasady. Ol narazylyq sherýin opozısıadan kórip otyr. Bul bılikti basyp alýǵa baǵyttalǵan áreket degen baǵa bergen. Marıýsh Blashak tipti kináli dep tapqan partıalardy atady. Olar - “Grajdanskaıa platforma”, Nowoczesną  jáne PSL.

Eger bul rasymen de bılikti basyp alý úshin opozısıanyń uıymdastyrǵany bolsa, ol tarıhta ekinshi márte jasalǵan áreket retinde qalady. Sebebi 1992 jyly saılaý nátıjesine kóńili tolmaǵan halyq bılikti basyp alǵan edi.

,