Túrkıa prezıdenti Erdoǵan Reseı elshisine jasalǵan qastandyqqa baılanysty málimdeme jasady. Túrik prezıdenti málimdemesinde Pýtınge, dos orys halqyna, Karlovtyń otbasyna qaıǵyryp kóńil aıtty. Reseı men Túrkıa yntymaqtastyǵy týraly basa aıtqan Erdoǵan bir apta buryn ǵana Karlovtyń óz rezıdensıasynda bolǵanyn aıtty. Karlov bir apta buryn Tatarstan prezıdentiniń Túrik prezıdentimen jolyǵýynda birge bolǵan.
Reseı prezıdenti Pýtın óz málimedesinde atalǵan oqıǵanyń provakasıa ekenine nazar aýdardy.
Al, Túrkıanyń eks-prezıdenti Abdýlla Gúl Twitter-de orys tilinde málimdemeler jasap, Reseı halqyna kóńil aıtty.
Máskeýge jetken Túrkıa Syrtqy ister mınıstri Mevlút Chavýshoglý da Máskeýden málimdeme jasady. Ol elshige jasalǵan qastandyqty aıyptap, Karlov qazasy úshin Reseı halqyna kóńil aıtty. Onyń sózinshe bul qastandyqty uıymdastyrǵandar Reseı men Túrkıanyń jańa nyǵaıǵan yntymaqtastyq qatynasyna kóleńke túsirgisi keledi.
Bundaı pikirdi qastandyqtan keıin Dıplomattyń denesi jetkizilgen aýrýhana aldynda jýrnalıserge suhbat bergen Ankaranyń meri Melıh Gokchek te "bul qastandyq Túrkıanyń Reseımen qarym-qatynasyn buzýdy kózdegen" dep málimdegen edi.
Sondaı-aq, Reseıdiń Syrtqy ister mınıstri baspasóz hatshysy Marıa Zaharova da resmı málimdeme jasady.
Habertürk arnasy taratqan aqparatqa saı, qastandyq áreketin oryndaǵan Ankara polıseıi Mevlút Mert Altıntashdyń sońǵy eki jyldaǵy telefon sóılesýleri zerttelip jatyr.
Qastandyqtyń artynda úlken kúshterdiń turǵany da aıtyldy. Pikirge saı, qastandyq jasaýshynyń «Elshiniń ol jaqqa kelýi týraly» aqparatty bilýi múmkin emes edi.
Qastandyq jasaǵan polısıa qyzmetkeriniń birge turatyn dosy da polısıa qyzmetkeri bolǵan. Ol da qazir tutqynǵa alyndy. Sondaı-aq, qastandyq jasap ózi de ólgen jendettiń anasy men qaryndasy týǵan qalasy Aıdynda tutqynǵa alyndy.
