Erteń, 22 jeltoqsanda Jazýshylar odaǵynda jazýshy Beıbit Sarybaıdyń «Men romantık emespin» atty kitabynyń tusaý keseri ótedi. Bul týraly jazýshynyń ózi áleýmettik jelide jazdy. Jańa jaryq kórgen kitap aqyn Baqyt Bedelhannyń qoldaýymen jáne Erjan Arzyqulovtyń kómegimen «Syrdarıa» baspasynan basylyp shyqqan.
Jazýshy Beıbit Sarybaı «Jazýshylar odaǵy» aǵa referenti, balalarǵa arnalǵan «Daraboz» halyqaralyq báıgesiniń eki márte jeńimpazy. Onyń búginge deıin «Aına» atty óleńder jınaǵy, «Raýǵash erte gúldeıdi», «Qara torǵaı», «Meıirim» atty kitaptary jaryq kórgen.
