Álıa Sadyrbaeva esimdi «Facebook» qoldanýshysy óz paraqshasynda halyq qalaýlylarynyń is-áreketin synǵa alyp, olardy zań turǵysynda jazalaýǵa shaqyrdy. Onyń jazbasy áleýmettik jeli qoldanýshylarynyń arasynda qyzý talqyǵa tústi.

 «Muny jazyqsyq qaldyrmaý kerek! Bul ádettegi iske aınalyp barady...

Áleýmettik jelide qyzý talqylanyp jatqan vıdeonyń basty qaharmany - halyq qyzmetshisi, QR Parlament Májilisiniń depýtaty, «Nur Otan» partıasynyń múshesi Muhtar Tinikeev.

Budan buryn QR Parlament Májilisiniń eks-depýtaty Svetlana Romanovskaıa kásipkerge «demalysyn buzǵany úshin» qoqan-loqy kórsetken.

Men depýtattardyń is-áreketinen shoshynǵandardyń birimin. Bul adamdar Qazaqstanda zań qabyldaıdy. Olar bizdi ómir súrýge úıretedi. Joǵary minberlerden adamgershilik, uıat, ar, rýhanıat týraly aıtady.  Al aýdıo, beıne jazbalardan olardyń shynaıy ómirde, buzaqylyq qylyqtarǵa beıim, ádepsiz, eki júzdi, tárbıesiz adamdar ekenin baıqaımyz.

Respýblıkalyq arnalardyń biri feık baǵdarlamany efırge shyǵara otyryp, bizdiń aqymaqtyǵymyzben, alańǵasarlyǵymyzǵa sengen sekildi. Al oıyna alǵandary iske aspaı, adamdar narazylyǵyn bildirip, olardy kúlkige aınaldyrǵanda barlyǵyn QALJYŃ deýden basqa eshteńke oılap taba almady. Bul qaljyńdarymen olar Qazaqstandy uıatqa qaldyrǵanyn oılamady.

Dál sol sıaqty bizdiń depýtat, halyqtyń qyzmetshisi M.Tinikeevte kóp bas qatyrmaı jýrnalıserdiń beınege qatysty pikirin bilý úshin habarlasqanda, barlyǵy 2 jyl buryńǵy QALJYŃ degen edi. Biraq ol 2 jyl buryn da Parlament depýtaty boldy ǵoı! Jaqynda tengrinews.kz vıdeonyń 17.12.2016 jyly túsirilýi múmkin ekenin oqydym. Iaǵnı, Tinikeev myrza tek qaljyńbas qana emes, ótirikshi de bolyp tur ma?

Eger Partıa basshylyǵy atalmysh oqıǵany elemese óte ókinishti bolar edi. Sondyqtan men Parlament Májilisiniń Tóraǵasy Nurlan Zaırollaulyna ótinish aıtqym keledi.

Qurmetti Nurlan Zaırollauly! Men qoǵam qaıratkeri, kóp balaly ana retinde Sizden depýtat Tinikeevke qatysty shara qoldanýyńyzdy suraımyn. Sebebi mundaı adamdar óz qylyqtarymen tek ózin ǵana emes, Parlament pen Partıany uıatqa qaldyrady! Qajetti sharalardy qoldanasyz degen úmittemin. Sebebi «Nur Otan» partıasynyń depýtaty bolý qurmetine tek shynshyl ári ádil adam ǵana laıyqty».