Tórt salmaq dárejesindegi buryńǵy álem chempıony Roı Djons 2016 jyly Rıoda ótken olımpıada da Vasılıı Levıt pen reseılik Evgenıı Tıshenkonyń jekpe-jegine qatysty óz pikirin bildirdi.
«2016 jyly álem boıynsha sportta jemqorlyqpen betpe-bet kelip otyrǵanymyz uıat! Nelikten bylaı, túsinbeımin. Eger qatelik jasasań ony túzetip, keshirim suraý qajet. Al eger qateligińdi moıyndaýǵa jigeriń jetpese, barlyq sporttyń qunyn túsirip alasyń» deıdi Roı Djons.
Rıoda ótken 2016 jylǵy olımpıada oıyndarynda sot sheshimi boıynsha qazaqstandyq Vasılıı Levıt altyn medal ala almaı qalǵan bolatyn.
Esterińizge sala keteıik amerıkandyq kásibı bokser kishi Roı Djons Qazaqstanǵa keldi. Bul sportshynyń elimizge ekinshi ret kelýi. Astanaǵa qarapaıym poezdben baryp, «Qazaqstanda saıahattaý sportshy densaýlyǵy úshin qaýipti» degen edi dep habarlaıdy sports.kz.
Bokserdi bárinen buryn qazaqstandyqtardyń qonaqjaılylyǵy tań qaldyryp, tamaqtarynyń dámdilgine qaıran qalypty.
«Sizderdiń astaryńyz óte dámdi. Maǵan beshbarmaq unaıdy» deıdi sportshy. Kishi Roı Djons Qazaqstan týraly Genadıı Golovkın arqyly bilgen eken.
«Golovkınniń arqasynda Qazaqstandy jáne Qazaqstanda Genadıı Golovkın sekildi myqty bokser bar ekenin barlyq amerıkandyqtar biledi».
Golovkınniń jekpe-jegi týraly áńgime aıtyla bastaǵanda azdap uıqysy qanbaǵan boksshy jandana tústi. Ol qazaqstandyq boksshynyń jekpe-jegin baqylap júretini belgili boldy.
Roı Djons Genadıı Golovkın men Kanelonyń 2017 jyly Nú-Iorkte ótetin jekpe-jegi týraly oıyn da aıtyp berdi.
«Kanelo judyryqtasqandardyń barlyǵy bokstaǵy salmaqty sportshylar. Ol óz kásibı jolyn myqty qarsylastardy jeńýmen bastady. Genadıı ondaı aty shýly bokserlermen judyryqtaspady. Sebebi olar Golovkınnen qorqady. Sondyqtan ekeýiniń ataǵy men laýazymynda aıyrmashylyqtar bar» dedi bokser.
