Qalyń qarǵa kómilgen Prıvolnyı aýyly ádemi ortalyqtan alysta ornalasqan. Biraq bul eldi meken Keńes Úkimetiniń sońǵy kóshbasshysy Mıhaıl Gorbachevtiń týǵan jeri.

Keńes úkimeti qulaǵanyna 20 jyldan astam ýaqyt ótse de halyq áli kúnge deıin ony qyzý talqylaıdy.

«Qaıda baratynymyzdy estigende taksı júrgizýshisi «Sol adamdy dúnıege ákelgen aýylǵa uıat» dedi ol. Basqa reseılikter sekildi Andreı de Mıhaıl Gorbachevti Keńes Úkimetiniń qulaýyna sebepker bolǵan adam dep esepteıdi».

Al Prıvolnyı aýylynda áli kúnge deıin Gorbachevti maqtan tutady. Al Batysta ony qan tógisti boldyrmaı qyrǵı-qabaq soǵysty toqtatty degen oıda. Sol úshin Gorbachevti qurmetteıdi.

Raısa Kopeıkına aýlasynyń qaryn tazalap jatqan ýaqytta onymen tanystym. Onyń úıi Mıhaıl Gorbachev barǵan mekteptiń kóshesinde ornalasqan. Gorbachev Komýnıstik partıanyń eń joǵary shyńyna jetkende Raısa hımıa pániniń muǵalimi edi.

«Ol qarapaıym bala boldy. Bizdiń kóz aldymyzda aýyl balasynan bas hatshy dárejesine deıin kóterildi» deıdi Raısa bala kezdegi foto sýretterdi aqtara otyra.

«Mine osyndaı aqyldy bala boldy. Onymen birge jumys istegenimizdi maqtan tutamyz» deıdi ol.

1991 jyly 25 jeltoqsanda buryńǵy synyptasy telearna arqyly otstavka týraly aıtqanyn kórgende qalaı qobaljyǵanyn aıtyp berdi. Kelesi kúni KSRO resmı túrde óziniń ómir súrýin toqtatty.

Gorbachev óziniń málimdemesinde totalıtarlyq júıe toqtatyldy, qoǵam bostandyq aldy degen bolatyn.

Jaqynda qaıta qalpyna keltirilgen Lenınniń eskertkishi mádenıet saraıynyń aldynda tur. Biraq onyń janynda pravoslavıalyq shirkeý bar. Ateısik memlekettiń basshysy shirkeý qurylysyn jartylaı qarjylandyrǵan.

Shirkeýdiń starostasy Vıktor Kýdrın barlyǵy ózgerip ketkenin aıta otyra «Men qupıa túrde shoqyndyrylǵanmyn. Eshkim bilmeýi úshin» dep eske aldy.

«Shirkeýde otyratyn adam joq. Sebebi kórshi aýylda shirkeý ashyldy. Ǵıbadathanalar kóptep ashylýda. Sebebi suranys bar. Al shirkeý basshylaryn tez tabý qıyn. Sondyqtan osylaı birneshe jerde júresiń».

Vıktor Kýdrınniń aıtýynsha Mıhaıl Gorbachev jergilikti shirkeýdi óziniń qamqorlyǵyna alǵan. Qazir adamdar jasyrynbaı-aq ǵıbadathanaǵa bara alatynyna qýanyshty.

Aýyl turǵyndarynyń biri alǵash ret amerıkandyqtyń Bıblıany alyp kelgenin eske aldy. Jergilikti halyq Gorbachev bastap ketken ekonomıkalyq reformalardy joǵary baǵalaıdy. Sebebi sonyń arqasynda sharýashylyǵy órge júzdi dep esepteıdi.

KSRO –nyń qulaýy týraly áńgime qozǵalsa, Prıvolnyı aýylynyń ózinde halyq ártúrli pikir aıtady.

«Árıne Mıhaıl Gorbachev aýyl úshin kóp paıdaly ister jasady. Al Keńes Úkimeti qulaǵanyna renjýlimiz» deıdi olar.

Jaqyn mańda jergilikti halyq arasynda eń ataqty adamnyń kishigirim murajaıy ornalasqan. Reseılikter ashyq túrde «joq» dep aıta alatyn alǵashqy reseılik kóshbasshy.

«Basqasha oılaý qylmys bolýdan qaldy» delingen tekste. Onda saıası tutqyndardy aqtaý týraly da aıtylda.

Mıhaıl Gorbachev jazǵan kitapty jergilikti halyqqa oqyp beredi.  

Derek kóz: bbc.com