Sońǵy kezderi Qazaqstandaǵy shalaqazaqtardyń joǵyn joqtaýshy, muńyn muńdaýshy retinde aıryqsha kózge túsip júrgen orys tildi basylym - Central Asia Monitor gazeti bolyp turǵany aıdaı aqıqat. Onyń burynǵy bas redaktory Bıgeldi Ǵabdýllın tek ózderi oıdan shyǵaryp alǵan «qazaq ultshyldarymen» ashyq aıqasqa kóshken.

 Eń aldymen Qazaqstanda «Qazaq ultshyldary» bar ma ózi? Sol «ultshyldar» qandaı qoǵamdyq uıymǵa birigipti? 

Basylym bundaı suraqtarǵa basyn qatyrmaıdy.  Kelsin, kelmesin, tısin, tımesin, ózderi qıaldarynda jasap alǵan «Qazaq ultshyldarymen» kúndiz de, túnde de shaıqasyp jatyr. Bul «shalaqazaqtardyń» basynda belgili orys tildi aqyn Oljekeń tur deıdi.

Bulardyń basty armany - qazaqtyń kósegesin kógertpeý, qazaq tilin bosaǵadan attatpaý, kerek deseńiz, Qazaq Eliniń táýelsizdigin tárik etýge deıin barý...

 Jer qaıysqan «Shalaqazaqtar» armıasynyń bundaı qadamǵa barýynyń artynda – qalaı da orys tiliniń ústemdigin saqtap qalý, Qazaqstan táýelsizdigin esepke almaý, qazaq degen ultty adam qataryna qospaý tur. Oljastyń jáne ana «ómir boıy Qazaqstan prezıdenti Nursultan Nazarbaevqa adal qyzmet etem» dep ant berip(sottalǵan adam, qalaı ómir boıy adal qyzmet etek?), sottalsa da, qamaýdan aman qalǵan Bıgeldiniń artynda búkil álem saıasatyn ýysynda ustap turǵan «aq degeni - alǵys, qara degeni – qarǵys» sanalatyn qudireti kúshti alpaýyttar tur deıdi, jaqsy biletinder...

 Jumash Kókbóri