10 jastaǵy balany qaǵyp ketken eki polıseı biri jumystan bosatyldy, ekinshisi qyzmetinen ketti dep habarlaıdy qamshy.kz Almaty qalasynyń İİD baspasóz qyzmetine silteme jasap.
Polısıa leıtenanty N.Tumabaev qyzmettik kólikti aıdap kele jatyp, balany qaqqan. Tártipti saqtaý komısıasynyń sheshimimen N.Tumabaev jumystan shyǵaryldy. Al onyń seriktesi Almaty qalasynyń ınspektory laýazymynan bosatyldy.
Jol kólik oqıǵasyna qatysty tekserý jumystary júrgizilip jatyr. Balany qaǵyp ketken júrgizýshi zańǵa sáıkes jaýapkershilikke tartylady.
Esterińizge sala keteıik, keshe eki polıseı jol erejesin buzǵan júrgizýshini qýyp kele jatyp 10 jastaǵy balany qaǵyp ketken. Bala aýrýhanaǵa jetkizilip, oǵan operasıa jasaldy.
