Talaı kóliktiń toǵysynýyna sebep bolǵan, uzyn jol únsiz jatyr. Birin-biri basyp ozyp, toqtaýsyz júrip  jatqan kólikter. Tynymsyz tirshilik dep jazady qamshy.kz.

         Búgin jeksenbi. Qystyń aıazy betińdi qarıdy. Tańmen talasa turyp, kúndelikti jumysyna bul janda asyqty. Kóligin otaldyrdy. Trýbadan qyshqyl ıisti tútin burq etti. Jeti kún boıy demalyssyz jumys jasaıdy. Bul jumysty qolǵa alyp, ystyǵyna kónip, sýyǵyna tońǵanyna bıyl, mine, jeti jyl boldy.  Bir boıynda birneshe mamandyǵy bolsa da osy salany janyna jaqyn kórdi.

         Jeksenbini jalaý etip, mende qalaǵa shyǵýdy jón kórdim. Qurbylarym aıtqan soń, barlyǵymyz birge teatrǵa bardyq. Teatrdan qaıtqan ýaqytta qarańǵy túsip ketken bolatyn.  Taksı ustamasqa bolmady. Aqyryndap jol jıegine shyǵyp, qolymyzdy sermep, taksı toqtatata bastadyq. Aǵylǵan kólik arasynan bir mashına toqtady. Eshqarsylyqsyz kelisip, mashınaǵa otyryp aldyq.

          «Syrt kóz - synshy»,- degendeı kólikke otyrysymen aınalama qarap, detal izdeı bastadym. Mine, keremet senesiz be? Kóliktiń aınasynda foto ilinip tur. Aǵaıdyń ózi jáne úsh bala tur. Ol – balalar aǵaıdyń januıasy ma eken dep oıladym. Biraq únsizbin.

       Sondaı-aq, mashına ishi óte jınaqy, taza, oryndyqtar úılesimdi qaptalǵan eken. Tóreǵalıdiń «Ómir» atty óleńi de baıaý ǵana qosylyp tur. Kólik júrgizýshi egde tartqan orta jastaǵy  er adam. Róldi ustaǵan qoldary qara jumystyń da dámin sezgen de sekildi.  «Qyzdarym» dep jaqyn tartqan jyly sózi de bul adamnyń sabyrlyǵy men qamqorlyǵyn sezdirgendeı boldy.

       Men aqyryn ǵana aǵaıdan fotodaǵy adamdar jaıly suraı bastadym. Sóılesý kezinde aǵaıdan bilgenim:  Negizinen aǵaı ajyrasqan. Búginde ózi jalǵyz turady. Ajyrasqanyna 4 jylǵa jýyq ýaqyt bolǵan. Balalary anasymen birge eken. Bul – sýret januıasymen birge bolǵan kezde túsken sýret eken. Sýrettiń osy jerde turǵany januıam janymda júrgendeı bolady deıdi.

        Shynymdy aıtsam, birtúrli yńǵaısyz kúıde qaldym. Aǵaıdy da aıap kettim.

«Jataqhanaǵa kelip, mashınadan túsip jatqanymda aǵaı maǵan keremet bir sóz aıtty:  Bul – ómir, qyzym. Eger ómir tek qana aqtan tursa, ómir tek jaqsylyqtan tursa qyzyqty bolar ma edi. Qıyndyq árkimniń basynda bolady. Tóze bilý kerek. Shydam men qanaǵat kerek. Bárimiz ómir súrý úshin júrmiz deımiz. Biraq ómirdiń máni ne ekenin bilmeımiz? Aqsha ma? Aqsha jetkizbeıdi. Túsinesiń be, qyzym, qanaǵat kerek. Men de mysaly aqsha tabý úshin júrmin. Degenmen aqsha saǵan ımandylyq pen shúkirshilik bermeıdi. Tek ózińdi materıaldyq jaǵynan qamtamasyz etý úshin ǵana. Biraq Alla taǵala súıgen qulyna kótere almaıtyn synaq bermeıtinin eskergeniń abzal».

 Osy sózdi betime qarap turyp, aǵalyq qamqorlyqpen aıqyndap aıtty. Jolaqysyn da almady. Qýanǵanymnan sekirip jataqhanaǵa júgire jóneldim.