Mamandardyń boljamy boıynsha Soltústik Qazaqstan oblysyna úlken sý naýryz aıynyń sońynda-sáýir aıdyń basynda keledi.
Oblystyq jumyldyrý daıarlyǵy jáne azamattyq qorǵaý basqarmasynyń basshysy Nurlan Búrkitalınniń aqparatyna sáıkes (SÝRETTE), aımaqta 14 jedel árekettený jasaǵy men 16 azamattyq qorǵaý qyzmeti daıyndaldy dep habarlaıdy qamshy.kz.
Sý deńgeıiniń kóterilýi múmkin 95 eldi-meken anyqtaldy. Olardyń barlyǵy baqylaýǵa alyndy. Uzyndyǵy 280 shaqyrymnan astam 291 avtokólik jáne temirjol ýchaskesi de baqylaýǵa alynǵan.
Jergilikti atqarýshy organdardyń búdjetinen kóktemgi sý tasqynyna qarsy sharalardy ótkizýge 561 mln. teńge qarastyrylǵan.
Eldi-mekenderden 918 myń tekshe metr qar shyǵaryldy. Ústimizdegi jyly Petropavlda alǵash ret qala shetin qardan tazartý jumystary uıymdastyryldy. Qalanyń 20-dan astam kóshelerinen qar tazartyldy. Ol jumyspen 9 kásiporyn aınalysady, 108 birlik tehnıka jumyldyryldy.
41,1 myń tonna ınertti materıal, 28,4 myń dana ydys-qap pen 139,1 lıtr janar-jaǵar maı daıyndaldy.
Oblystyń avtokólik joldarynda tasqyn sý ótetin 2 myńnan astam sý ótkizý qubyrlary bar. (Búginde oblys avtojoldarynda 70%-ten astam qubyrlar tazartyldy, jumys 20 naýryzǵa deıin tolyq aıaqtalatyn bolady).
Kóktemgi sý tasqyny kezeńi shıelenisýi múmkin jaǵdaıda 2713 adamnan qurylǵan jeke quram, 827 birlik tehnıka, sonyń ishinde sý tartatyn 309 birlik tehnıka men 133 júzý quraldary jumyldyrylady.
Oblys aýmaǵynda ornalsqan sý qoımalarynyń tolýy boıynsha baqylaý júrgizilýde (Sergeev sý qoımasy 93,9 paıyzǵa toldy (jobalyq kólemi 693 mln. tekshe metr), Petropavl sý qoımasy 87,8 (24,5 mln. tekshe metr)).
9-10 naýryzda Petropavl qalasynda kóktemgi sý tasqyny kezeńinde shartty tótenshe jaǵdaılardy boldyrmaý maqsatynda «Kóktem-2017» respýblıkalyq komandalyq-shtabtyq oqý-jattyǵýlary ótti.
Budan basqa Petropavl qalasynyń Kojevennyı aýylynda qorǵanys bógeti qaıta quryldy jáne uzyndyǵy 76 shaqyrym bolatyn jergilikti mańyzy bar avtokólik joldary qalpyna keltirildi. Aǵymdaǵy jyly Býlaev qalasyndaǵy kóldi (850 m.) tereńdetý men Mamlút qalasy mańyndaǵy kanaldy (200m.) qurý boıynsha jumystar júrgizildi.
