Avstralıadaǵy Vıktorıa shtatynda er adam órmekshi shaqqan soń aıaǵynan aıyrylyp qıyn jaǵdaıǵa tap boldy. Bul týraly «Qamshy» portaly lenta.ru-ǵa silteme jasap habarlaıdy. Zardap shekken adam oń aıaǵynan aıyrylǵan. Endi sol aıaǵy men eki qolynan aıyrylý qaýpi tónip tur.

65 jasar Terrı Pareha Fılıppınnen kelip óz qaryndasynyń úıinde qonaqtaýǵa kelgen. Málimetterge qaraǵanda órmekshi er adamdy baqshada júrgen kezde shaǵyp alǵan. Dárigerlerge tek arada úsh kún ótken soń ǵana qaralýǵa múmkindigi týǵan zardap shegýshi er adam sol ýaqytta eki búıregi jumys istemeı qalyp, organızmi zaqymdanyp úlgergen.  Bakterıanyń organızmge taralý jyldamdyǵy men qaýpin eskergen dárigerler onyń aıaǵyn kesip tastaýdy jón kórgen.

Bul oqıǵa aqpan aıynda oryn alǵan. Alaıda bul týraly endi belgili bolyp otyr. Qazirgi ýaqytta zardap shekken er adamnyń qyzy onyń emine qajetti 100 myń AQSH dollaryn jınaýdy qolǵa alyp jatyr.

Sol jerdegi uıymdardyń birinde sońǵy ýaqyttary jándikterdiń qurbanyna aınalyp jatqan adamadar sany ósip keletinin jetkizdi. Alaıda zardap shegýshi adamdardyń kóbi naqty qandaı jándikterdiń ózderin shaqqanynan beıhabar.