35 jastaǵy kelinshek eki balasyn aqysy tólenbegen jaldamaly páterde qaldyryp, kúıeýimen birge ketip qalǵan dep habarlaıdy halyknews.kz.
35 jastaǵy krasnodarlyq Lúdmıla K. úsh aıǵa páter jaldapty. Jas kelinshek sol jerde kúıeýimen jáne bireýi úshtegi, ekinshisi jetidegi eki balasymen turǵan. Páterdiń kezekti jalpulyn tóleý mezgili kelgende, ol eki balasyn tastap, kúıeýimen birge qashyp ketipti. Erli-zaıyptylar balalaryn qaldyrǵanymen qoımaı, úı ıesiniń turmystyq tehnıkalaryn ala ketip, olardy keıin lombardqa ótkizgen kórinedi.
Aqshasyn alýǵa kelgen páter ıesi úıde balalardyń jalǵyz otyrǵanyn, dúnıesiniń qoldy bolǵanyn kóredi. Sóıtip, ol qashqyn erli-zaıyptylardy bir táýlik kútedi de, sodan keıin polısıa shaqyrady.
Úsh jasar Vlad pen jeti jastaǵy Ksenıa juqpaly aýrýlar aýrýhanasyna jetkizildi, ekeýi de naýqas. Al ana áıel jaldaǵan úıiniń kofe qaınatqyshyn, úı kınoteatryn, qysqa tolqyndy peshin alyp ketip, lombardqa ótkizip jiberipti.
