Isis (ıslam memleketi) Mysyrdaǵy dinı mereke kúni ıaǵnı jeksenbidegi bolǵan eki birdeı qandy jarylysty óz moıynyna aldy dep habarlaıdy «Qamshy» aqparattyq agenttigi.
Álemdi dúr silkindirgen qos birdeı  lańkestik shabýyl saldarynan  qyryqtan astam adam, onyń ishinde shirkeý qyzmetshiler men polısıa ókilderi qaza tapty. Bul oqıǵa sońǵy on jyldyqtaǵy eldegi hrıstıan din ókilderine qarsy jasalǵan eń zulmat qan tógis dep atalýda. 
DAISH jasalǵan lańkestik shabýyldy óz moıynyna alǵandyǵyn ózderiniń Amaq aqparattyq agenttigi arqyly habarlady. 
Alǵashqysy saǵat 9.30 shamasynda Kaırdan 50 mıl soltústikke qaraı ornalasqan Delta tanta qalasyndaǵy Georgı shirkeýinde oryn alǵan. Resmı derekterge súıensek, 27 adam qaza taýyp, 71 adam aýyr jaralanǵan.
Budan bir saǵat óte Aleksandrıa qalasynyń mańyndaǵy áýlıe Mark shirkeýiniń qaqpasy aldynda bolǵan jarylystan 13 adam opat bolyp, 21 adam aýyr halde dep habarlaıdy Mysyr densaýlyq saqtaý mınıstri
 

Aýdarǵan: Arafat Derbesuly
The New York Times