Depýtattardyń jalaqysy kóterilgeni týraly Qamshy.kz oqyrmanǵa habarlaǵan edi. Depýtattar jalaqysynyń ósimine qatysty QR Parlament Májilisi tóraǵasynyń orynbasary Vladımır Bojko óz pikirin bildirgen. Búgin Parlamenttegi jıynda tilshilermen suhbattasqan vıse-spıker májilismender jalaqysynyń kóterilýin negizdi dep sıpattaǵan.

«Saıası qyzmetkerler arasynda jalaqysy sońǵy bop ósken osy depýtattar, Negizi bul sheshim osydan 4 jyl buryn qabyldanyp qoıylǵan edi. Mınıstrlikter men ózge de vedomstvolardaǵy jalaqyny birtindep ósiremin degenshe 4 jyl ótip ketti. Mine, endi bizdiń kezegimiz keldi», - degen Vladımır Bojko.

Onyń aıtýynsha, saıası qyzmetkerlerdiń bári birdeı jalaqy alýy tıis. Al, bizdiń elde depýtattar saıası memlekettik qyzmetkerler bolyp esepteledi.

Aıta keteıik, Parlament Májilisi depýtattarynyń jalaqysy 2017 jyldyń 1 naýryzynan bastap 30-50 paıyzǵa kóterilip otyr. Endi májilismenderdiń ortasha aılyq-jalaqysy 600-700 myń teńgeni quraıy.