Peterbordaǵy metro jarylysyn jasaǵan dep kiná taǵylǵan Akbarjon Djalılov metro ishine ońaılyqpen kirgen dep habarlaıdy «Qamshy» aqparattyq agenttigi «Fontanka» reseılik saıtyna silteme jasaı otyryp.

Sáýirdiń úshi kúni Djalılov metro kire beris zalyna arqasyna sómke asynyp kirgen. Eskalatorǵa deıingi joldy eshkimniń kózine túspeı júrip ótken. Bekette aǵa serjant otyrýy kerek bolatyn. Alaıda ony «Azamattyq dańǵyl» dep atalynatyn beketke usaq esirtkimen ustalǵan azamatty rásimdeýge kómekke shaqyrǵan.  Polısıa qyzmetkeriniń ornynda metropolıtenniń qadaǵalaý qyzmetiniń ınspektory qalǵan. 2011 jyly Domodedovadaǵy teraktiden keıin peterborlyq jertóleni paıdalaný erejeleri ózgeriske ushyraǵan bolatyn. Metropolıtenniń qadaǵalaý qyzmeti jańa erejege saı pasajırler men olardyń zattaryn teksere alady. Eger pasajır sómkesin teksertýden bas tartsa, beket ishine kirgizilmeıdi. Djalılovtyń arqa sómkesin tekserý qajet bolǵanymen tekserilmeı qalǵan. Beınebaqylaý kameralardaǵy jazbalarǵa qaraǵanda ınspektor sómke tekserýdiń ornyna uıaly telefonyndaǵy oıyndy oınap otyra bergen.

Esterińizge sala keteıik, Peterbordaǵy lańkestik jarylystan 14 adam qaza tapty.