Nursultan Nazarbaev Ulttyq banktiń jumys qorytyndysyn talqylaý kezinde úkimet pen ekinshi deńgeıli bankterge qazaqstandyqtardy masyldyq ádetinen aryltýdy tapsyrdy, - dep habarlaıdy «Qamshy» aqparattyq agenttigi Tengrinews.kz tilshisine silteme jasaı otyryp.

"Qaıta qarjylandyrý baǵdarlamalaryna 130 mıllıard teńge jumsaıtynbyz. Qazir 21 myń adal emes qaryz alýshy bar. 19,5 myń adamǵa qaryz tóleý jeńildetildi", - deıdi Nazarbaev.  QR Ulttyq bank basshysy Danıar Aqyshev osy máselege qatysty óz oıyn aıtty.  "Nursultan Ábishuly, bul másele boıynsha eki pikir bar. Birinshisi - kómektesý kerek. Ekinshisi - kómektesý arqyly masyldyqqa úıretemiz", - deıdi ol.  "Negizi kredıt tólemeý bul qylmystyq jaýapkershilikke ákeledi. Bizde muny eshkim túsinbeıdi. Tóleı almasań, kredıt alma. Aldyń ba, qaıtarý kerek. Árkim óz isine jaýapty bolý kerek. Eshkim ıpotekalyq kredıt al dep zorlaǵan joq. Memleketke qarjy quıatyn sala jeterlik, osy halyq úshin, ekonomıkany damytýǵa, ındýstrıalızasıaǵa. Sondyqtan muny qatańdatý qajet, tekserý kerek. Ekinshi deńgeıli bankter, adamdardy masyldyq ádetinen aryltyńdar. Úkimetke de osy tapsyrma", - dedi Elbasy.