Baılar men halyqqa belgili adamdar jeke ómirin qupıa ustaýǵa tyrysady. Jabyq araldarda demalyp, jeke ushaqpen ushady. Alaıda olar ózderi týraly aqparattyń syrtqa shyqpaýyn únemi qadaǵalaı almaıdy. Charterlik saparda qyzmet kórsetetin stúardessalar atalmysh adamdardyń talaptary men oǵash qylyqtary týraly aıtyp berdi.
Jeke avıasıada ushýǵa eki kún qalǵanda barlyq daıyndyq jumystary bastalady. Tapsyrys berýshiniń talǵamy men talaptaryna saı qajetti zattar satyp alynady. Taǵamdar meıramhanadan ákelinedi. Keıde jolaýshy týra ushatyn ýaqytta ózi aldyn-ala tapsyrys bermegen taǵamdy nemese sýsyndy ishkisi keletinin aıtady eken. Mundaı sátte jolaýshynyń qalaýy mindetti túrde oryndalýy tıis.
Ushaqtyń ushý ýaqytyn kesheýildetý
Keıde aldyn-ala kelisilgen adam sany ózgerip ketetin sátter bolady eken. Máselen, ushaq qyzmetkerleri úsh adamǵa qyzmet kórsetýge daıyndalsa, olardyń sany alty adamǵa kóbeıedi. Ol ýaqytta rezervtegi taǵamdardy paıdalanady. Ushý ýaqytynda tamaq bitip qalatyn kezder de bolady.
Stúardessalardyń biri basynan ótken jaǵdaıdy eske aldy. Belgili kásipker áıel jeke ushaǵymen bir jerge ushpaqshy bolǵan. Áıel tek Coca Cola light-ti ishetinin jáne basqa sýsyndardy tutynbaıtynyn eskertken. Atalmysh sýsyn birneshe ýaqyttan keıin bitip qalǵan. Al dittegen jerge jetý úshin áli biraz ýaqyt kerek bolǵan. Stúardessa qalǵan sýsyndardy bir-birine qosyp, sýmen aralastyrǵanyn aıtady. Jolaýshy áıel ony sezbegen. Stúardessa áli kúnge deıin sol áreketi úshin uıalatynyn aıtady.
Kimmen jumys isteý jeńil?
Stúardessalar baı men halyqqa tanylǵan adamdarmen jumys isteý ońaı ekenin aıtady. Bul aqsha nemese tanymaldylyǵyna baılanysty emes ekenin aıtady. Sebebi, olar kóp jaǵdaıda ýaqytty uıyqtaýmen ótkizedi. Al ekonom-klassta otyryp baratyn adamdar ózine erekshe qarym-qatynasty qalaıdy.
Dáýletti jolaýshylar ózderiniń shekten shyqqan talaptaryna jaýap bergen stúardessaǵa qomaqty kólemde syıaqy tastap ketetin jaǵdaılar bolǵan.
Tanymal jolaýshy ushýdan qatty qorqady. Stúardessa ushý ýaqytynda ony tynyshtandyryp, qolynan ustap, mańdaıyndaǵy terin súrtip otyrǵany úshin, osynyń barlyǵyn sabyrlyqpen, sypaıy qalyppen atqarǵany úshin dáýletti adam oǵan páter syılaǵan eken.
Daıyndaǵan: Ásem Álmuhanbet
