44 jastaǵy Krısten Ýıláms biraz jyldar boıy bala asyrap alǵysy kelip júrgen. Ol AQSH eliniń Ogaıo shtatynda turady. Muǵalim bolyp qyzmet etetin áıelge ana bolý baqyty buıyrmapty. Ol bala asyrap alǵysy kelip sheteldi aralaǵan. Bir kezde ol Úndistan eline barady. Sol jerde Mýnnı atty qyzdy kezdestiredi. Kishkentaı qyz ómirdiń bar azabyn tartqanǵa uqsaıdy. Ony anasy qoqys sekildi dalaǵa tastap ketken. Krısten Mýnnımen alǵash kezdesken kúndi eshqashan umytpaıdy. Sol kúni Mýnnıdiń betinde kóptegen tyrtyq bolǵan. Mýnnı 5 jasta bolsa da ómirde kóp qıyndyq kórgendikten óte ashýshań, qyrsyq boldy. Alǵash kezdesken sátte onyń mańdaıynda úlken tyrtyq bolypty. Mýnnı ózgelerge usqynsyz qyz sekildi kóringenimen, Krısten onyń kózindegi muń men ózgelerge uqsamaıtyn erekshelikti baıqady.

Krısten 2 jyldyń ishinde qujattardyń barlyǵyn rettestirip, Mýnnıdi ózimen birge alyp ketti. Biraq ýaqyttan keıin olar bir-birine úırenisip, bir-birin jaqyn tarta bastady Bir kezde Úndistannan tastandy balalar úıiniń qyzmetkerleri habarlasady. Olar Mýnnıdiń sińilisi retinde taǵy bir qyzdy asyrap alýyn ótinedi. Mýnnı óz bolashaq sińlisiniń sýretin kórgen kezde qatty qýanypty. Sol kezde Krısten eriksiz jylap, kútpegen jerden sheshim qabyldaıdy. Krıstenniń 2-ret asyrap alǵan qyzynyń esimi Dýrgı.

Dýrgıdiń anasy óz qyzyn sábı kezinde qoqysqa tastaǵan. Sol kezde onyń murnyn jyrtqysh janýarlar jep ketipti. Sol kezden keıin ol tastandy balalar úıinde bolǵan. Oǵan operasıa jasap, kómek kórsetýdi eshkim oılamaǵanǵa uqsaıdy. Keıin Mýnnıdi asyrap alǵan Krısten týraly estigin balalar úıiniń qyzmetkeri oǵan ótinish jasaǵysy kelgen.

«Osyndaı sumdyq oqıǵalar Úndistan eli úshin qalypty jaǵdaıǵa aınalǵan», - deıdi Krısten. Biraz ýaqyttan keıin Dýrgıge plasıkalyq operasıa jasap, murnyn qalpyna keltiredi.  Qazir Krısten baqytty ekenin aıtady. Ol Dýrgı men Mýnnıdi óziniń týǵan qyzyndaı kóredi.  Qyzdar da óz anasynan kórmegen mahabbatty bóten áıel arqyly sezingeni úshin qýanyshty. 

Aýdarǵan. Ásel Óteshova