Astana qalasynyń ákimi Áset Isekeshev Qazaqstandyq polısıa kúni qarsańynda elordalyq İshki ister departamentine jańa qyzmettik avtokólikterdiń kiltterin tabystady, dep habarlaıdy Qamshy aqparattyq agenttigi İİD-niń baspasóz qyzmetine silteme jasap.

Astanalyq İshki ister departamentiniń qyzmettik avtokólikteriniń sany Qazaqstanda qurastyrylǵan 94 kólikke tolyqty. Avtokólikter  sıgnaldy-daýys  zoraıtqysh qurylǵylarmen, radıostansıalarmen, beıne tirkegish jáne basqa da zamanaýı tehnıkalyq talaptarǵa saı quraldarmen jabdyqtalǵan.

Jańa avtokólikter jol-patrýldik polısıa polkine, ýchaskelik polısıa ınspektorlaryna, Jergilikti polısıa qyzmetiniń kınologıalyq vzvodyna, aýdandyq basqarmalar men ákimshilik polısıanyń kezekshi bólimderine paıdalanýǵa berildi.

Bul atalǵan bólinister qyzmetiniń jedeldigin arttyrýǵa jáne elordadaǵy qoǵamdyq tártipti qamtamasyz etýge septigin tıgizedi.

«Jol qaýipsizdigin qorǵaý maqsatynda polıseıler súıemeldeýdi qamtamasyz etip, EKSPO halyqaralyq kórmesine kelgen mektep oqýshylaryna, basqa aımaqtardan kelýshilerge jáne sheteldik týrıserge qala aýmaǵyna  beıimdelýine kómek kórsetedi», - delingen taratylǵan habarlamada.