Túrkmenstan prezıdenti Qurbanǵuly Berdimuhammedov aılardyń sultany - Ramazanda bolatyn qasıetti Qadir túniniń qurmetine 1029 tutqynǵa raqymshylyq etpek, dep jazady Qamshy aqparattyq agenttigi. Bul jóninde memleket basshysynyń baspasóz qyzmeti habarlady.

Habarlamada kórsetilgendeı, Túrkmenstan qoǵamyndaǵy ár otbasynyń berik ári birlikte bolýyn kózdegen prezıdent qasıetti aıda asa meıirimdilik tanytyp qujatqa ózi qol qoıdy.

Osy maqsatta el prezıdenti quqyq qorǵaý organdaryndary men tıisti quzyretti oryndarǵa raqymshylyqqa ilinigen jandardy jaqyn arada bostandyqqa shyǵaryp, kinálaryn adal eńbekpen óteý úshin, sondaı-aq elge paıdasy tıeitndeı jumysqa ornalastyrýlaryn tapsyrdy.

Aıta keteıik, atalǵan elde amnıstıa jylyna birneshe márte ótkiziledi. Osyndaı memlekettik jáne ulttyq ataýly kúnderdiń qurmetine temir tordyń ar jaǵyndaǵy talaı jan azattyqtyń dámin tatady. Bul elde sońǵy amnıstıa aqpan aıynda, dáliregi, Memlekettik baıraq kúni aqpan aıynyń 19-y kúni) qurmetine oraı ótkizilgen edi. Bul kezde bostandyqqa 828 adam shy,arylǵan bolatyn.