Astana turǵyny kóshede serýendep júrip kezdeısoq oqıǵaǵa tap boldy, dep jazady Qamshy aqparattyq agenttigi. Balmuzdaq satyp turǵan áıel adam fontan sýynan sý toltyryp alyp, balmuzdaq salyp beretin qasyqtardy jýǵan. Er adam oqıǵany vıdeoǵa túsirip alyp, áleýmettik jelige saldy. Jazylǵan pikirlerge nazar aýdarsaq, oqıǵa Astana qalasy «Qazaqstan» aýdanyndaǵy stýdenttik saıabaqta oryn alǵan.

«Jańa ǵana fontan mańynda serýendep júrip, balmuzdaq satyp turǵan áıeldiń fontan sýynan sý toltyryp, janyna qoıyp qoıǵanyn baıqadym. Qandaı maqsatta alǵanyn bilý úshin sál kútýdi jón kórdim. Áıel adam álgi sýǵa balmuzdaq salatyn qasyqtardy jýdy. Janynda tipti kishkentaı bala da boldy. Qaı ananyń balalardy ýlaýǵa dáti barady eken? Eger arnaıy quzyrly organdar baıqasa, istiń mán jaıyn tergese deımin. Múmkin EKSPO-ǵa qarsy fontan sýy da ishýge jaramdy bolyp ketken shyǵar, kim bilsin?», dep jazdy er adam vıdeonyń astyna.

Sholýshy: Sabına Ramazan