8 jastaǵy Aıkórkem Aldamjardyń máıitin Oral ózeninen súńgýirler taýyp aldy, dep habarlaıdy Qamshy aqparattyq agenttigi Moı gorod saıtyna silteme jasap.

«Búldirshindi búgin, ıaǵnı 19 maýsymda keshki ýaqytta taýyp aldy. Onyń denesi aýyldan 1 shaqyrym qashyqtyqta jatqan ózennen tabyldy. Máıit polısıa basqarmasyna tapsyryldy», - dep málimdedi Samat Kýmashev.

Esterińizge sala ketsek Aıkórkem Aldamjar 14 maýsym kúni joǵalyp ketken bolatyn. Kishkentaı búldirshindi izdeý jumystary 5 kúnge deıin jalǵasqan. Bul iske 13 qutqarýshy, onyń ishinde 5 súńgýir, polısıa qyzmetkerleri, sonymen qatar jergilikti turǵyndar qatysqan.

Balanyń ólimin anyqtaıtyn saraptama qorytyndysy keshirek belgili bolady.

Sholýshy: Nazerke Labıhan