"Astana EKSPO-2017"UQ" AQ qoǵammen baılanys departamentiniń dırektory Sergeı Kýıanov Djeıms Palmerdiń Foreign policy basylymyna shyqqan maqalasyna qatysty pikir bildirdi, - dep habarlaıdy Qamshy.kz

"Biz shyn máninde ondaı jýrnalısiń bar ekenin anyqtadyq. Ol ulybrıtanıalyq birneshe basylymǵa jazady eken: negizinen Ortalyq Azıa jáne Qytaı jaıly. Kórmege mundaı jýrnalıs tirkelmegen. Biz qaýipsizdik departamenti arqyly QR aýmaǵyna mundaı azamat múldem kelmegenin anyqtadyq", - dedi Sergeı Kýıanov. 

Ol maqala avtorynyń kórmege múldem aıaq baspaǵanyna senimdi. 

"Meniń oıymsha, Palmer myrza bireýdiń áseri arqyly nemese bireýdiń materıaly arqyly osy maqalany jazǵan. Nemese onyń atymen basqa bireý jazǵan. Bul ózi túsiniksiz jaǵdaı, jýrnal barlyǵyna tanymal, ol búrkenshik atpen maqala jarıalaıdy degenge senbeımin. Sebebi bul iri basylymdardyń abyroıyna nuqsan keltiredi", - dedi Sergeı Kýıanov. 

Onyń aıtýynsha, keıbir derekter shyndyqqa janaspaıdy. 

"Maqalada aıtylǵannyń barlyǵy asyra aıtylǵan. Qurylys baǵasyn ol 5 mıllıardqa salyndy degen, alaıda keshenniń qurylysymen birge 1,3 mıllıard dollar jumsaldy", - dep qorytyndylady ol.